مصافحه أولى اتمنى ان ترتقي لذائقتكم
.
سر يا قلم واوصيك جـزل القوافـي=للديرة اللـي طيبهـا مـن اهلهـا
منبع كرم ماهـو كـرم اى هافـي=منبع رجال صيتهـم هـو فخرهـا
هذيـك حايـل مابـه اي اختلافـي=هذيـك دار مجدهـا مـن عملهـا
يسعد سما حايـل وذيـك الفيافـي=يسعد سهوله يسعـد اللـي سكنهـا
من اول يـا حايـل الحـب خافـي=واليـوم بعلنهـا وابعلـن غزلهـا
لاجيت ابوصـف حايـل زان قافـي=عرروس من مثلـه وربـي قبلهـا
فيها سكن حاتـم هـذاك السنافـي=غرسه كرم واليوم نجنـي ثمرهـا
وفيها النفوداللي على القاع ضافـي=وفيها جبـال تبهـج اللـي نظرهـا
في جوها الشتوي ترى الجو دافـي=وفي صيفها محلا نسايـم سهلهـا
حتى هوى حايل هوى عذب صافـي=مامـر دخـان المصانـع شملهـا
وماها شخاليـل الجبـال النظافـي=اجا و سلمى منهـو اللـي جهلهـا
عسى السحاب اللي على النوف نافي=يمطـر علـى ريفانهـا مـع فللها
اليـن ماتـروى وتعيفـه عيافـي=ويصير فـي نبتـه نوايـع نفلهـا
واليوم ياحايل لـي اوفـي وابافـي=داري أنـا حايـل ولاابـي بدلـهـا
انا غريري لابتي دوم تافـي=عيال عــدي للصعايب جملهـا
.
ممدوح بن زايد القدهي الشمري
.