قصه روعه رومنسيه

أقول إنسى تمر ذكراي
للكاتبه / رحلة ألم

أولى بدايات الكاتبه في كتابة القصص وابداعاتها

سأقوم بتقديم نبذه عن بعض أبطال الروايه و البقيه سيتم ذكرهم في سياق المجريات

ساره:فتاه ممتلئه بالرومنسيه و الإحساس هي جميله لكن خصائله وأخلاقها زادتها رونقا وجمال

مريم : صديقة ساره وكاتمة أسرارها شخصيه طريفه جميله وزاد جمالها لون بشرتها الخمري .

نايف , فاطمه,ندى , في , ضحى ,زيد , مها , سعد , .............. والكثيرين نجوم سطعت في سماء الروايه

الجزءالأول


قبل عيد الأضحى بيومين الساعه 9 صباحآ


أبو ناصر : ساره حبيبتي إذا تبين تروحين السوق قومي
ساره :هلا بابي صباحك خير ياوجه الخير
أبو ناصر : بتروحين يالله قومي
ساره: بروح لحالي
أبو ناصر: زي ماتعرفين أمك ماتقدر تروح معتس
ساره :أدري بس ماتعودت أروح السوق بروحي بس يالله دامك معي معليه
أبو ناصر: أنا بنزلك وبروح عندي شغل بقضيه وبرجعلك
ساره بشهقة: إحلف بايعني أنت تخليني بالسوق لحالي
أبوناصر: ههه طيب شوفي أحد من البنات يروح معتس
ساره: أكيد نايمين تدري بروح أشوف في أدري ماراح تردني فديتها
أبو ناصر : طيب إستعجلي
ساره طلعت من بيتهم وراحت بيت عمها حمد أبو في الي عنده أربع بنات أكبرهم في وهي بأولى ثنوي

(ساره بنت وحيدة أمها وأبوها من البنات لكن عندها أربع إخوان بسنه أولى كليه
وهم وعمامها السته وعمتها ساكنين جنب بعض يعني البيوت لازقه بعض و محاوطه بنف الجدار وبالوسط حديقه كبير وفيها البيت العود لجدانها وعمها الصغير )

دخلت بيت عمها لقت الشغاله

ساره: where is fai
الشغاله: in the rome
دخلت ساره على في لقتها بسابع غطه
ساره وبصوت هادي : في فيفي حبيبتي قومي
في : هاه سوري شعندتس من صباح الله خير
ساره : آسفه ياعمري بس بغيتس تروحين معي للسوق
في : ليه شعندتس
ساره : ماتشريت للعيد إنشغلت برجعة أمي وأبوي وإخواني
في: طيب لحظه أستأذن من أمي وأرجع

بعد ربع ساعه خلصوا البنات وراحو مجمع الظهران مع أبو ناصر

أبو ناصر: أنا ألحين بروح وبرجع لكم الساعه 11 يكفيكم الوقت
ساره: ماأدري إن شاء الله يكفي
أبو ناصر : فمان الله إنتبهوا لعماركم
ساره: إن شاءالله يالله فيفي
(ساره لابسه عبايه على الراس وبرقع لأنها مقتنه بهاالشي وعاجبها من كانت ب3 متوسط أما في لابسه عباية كتف ومغطيه بغشوتها)
في : السوري والله إني خايفه
ساره: حت أنا أول مره أجي السوق لحالي بدون أحد أكبر مني بس شوفي الناس شوي يعني بس اللي جايين يتقضون خلينا ندخل
في : تصدقين ياحلات السوق بالضحى فاضي
ساره: على طاري الضحى ياويلنا من ضحى
في : هههههههه صدقك لوتدري بتذبحنا
ساره: معليه بتفاهم معها بعدين
(في هذيك الحظه دخلوا من البوابه وكان قدامهم واحد طويل وعريض لابس بنطلون بيجي وتي شيرت أخضر غامق
ساره لا شعوريآ جلست تناظر فيه لأنها كانت تمشي وراه ورغم إنها ماشافت وجهه عدل حست إنها تعرفه

إستغربت ساره إهتمامها بها الشخص لأنه مو من طبعها هالشي يعني إذا شافت حلو تقول ماشاءالله حلو وخلاص ينتهي الموضوع بس هذا حست إنه غير ......
راحت هي وفي بطريق وهالشخص بطريق ثاني )

جلسوا في وساره يتسوقون وهم طالعين من محل stradivarius
في : ساره كأنه فيه أحد يلحقنا
ساره: لا مافيه أحد يتراوالتس
في : إلا شوفي بوشعر طويل كيرلي
ساره: وين . آه شفيه . مالت مسوي شعره كيرلي والله لوإنه على بنت ماظبط كذا كان لقيتيه بعد دقايق خرباااااااااان
في : صدقتي هههههههه تهقين وش الجل الي يستخدمه
ساره: مادري بس يوم سألته قالي weilla gel
في : تتطنزين حضرتك
ساره: أنا أدري عنتس وش دراني بجله
في : شوفي شكل pramodعنده شي حلو
ساره: خلينا ندخل ونشوف

بعد ساعه خلصوا من التسوق وكانت الساعه 10ونص

ساره: فيفي شرايك نروح نفطر والله إني جوعانه
في : حتى أنا خلينا نروح Star Boxes
وهم ماشين شافت ساره ذاك الشاب الي لفت نظرها جالس بالكوفي مع إثنين من الشباب هي لمحته وعلطول عرفت إنه إلي شافته من شوي (لأنه مو من طبعا تناظر بالشباب):S_019
دخلو الكوفي وطلبو لهم (2كابوتشينو و1كرواسون و1 ميني رول)

وطول ماهم جالسين ساره تفكر بالشاب الي شافته وجالس بره
في: ساره شفيك من جلسنا وإنتي سرحانه وين وصلتي لا يكون المريخ
ساره: أخاف اقولك وين وصلت تضحكين علي
في: آفا ماعاش من يضحك عليتس وأن إختك إنتي بس قولي
ساره: شفتي الشاب الي قابلناه عند المدخل و .............:S_023 في : ماأدري ما أتذكر المهم شفيه
ساره: ماأدري بس حاسه إني أعرفه من زمان رغم إني أول مرة أشوفه
في : وينه قلتيلي بره بروح أشوفه
ساره: أقول إنثبري هذا الي ناقص
في : بصراحه هي أول مرة أشوفك تتكلمين عن واحد بهاالشكل
ساره: لا وأزيدك من الشعر بيت أحس إنه بيكون له تأثير بحياتي
في: سويره حبيبتي فيك شي تعبانه واحد ماتعرفينه وأول مرة تشوفينه شلون بيأثر بحياتك
ساره:ماأدري ليه هذإحساسي
في : غريبه
ساره: ماقلتلك بتضحكين علي (بها الحظه يرن تلفون ساره )
ساره: ألـــــــــــــــــــــو
أبوناصر : هايبه خلصتي
ساره: إي فديتك وينك
أبوناصر : ألحين داخل للمواقف
ساره: خلاص ألحين بنطلع لك

من جهه ثانيه نايف جالس مع ربعه

نايف: يالله شباب أستأذنكم أنا ماشي
علي : وين تو الناس
نايف: بروح البيت على بال ماأوصل إلا مأذن الظهر أصلي وأنام شوي
فمان الله
الشباب : فمان الكريم

نايف وهو طالع لمح واحد يقربله فراح يسلم عليه

نايف: هلا أبوناصر شلونك عساك طيب حمدلله على السالمه
أبو ناصر: هلا حيالله نايف الله يسلمك بخير يامال الخير وأنت شخبارك وشخبار أبوك والأهل
نايف: الحمد لله كلهم بخير
أبو ناصر : ها شتسوي هنا
نايف: كنت عند الشباب بالكوفي و أنت متى رجعت من الرياض
أبو ناصر: قبل أمس
نايف: الحمد لله على السلامه عجل شخبار أم ناصر
أبوناصر: بخير ولله الحمد
نايف: سلملي عليها يالله تآمر شي
أبو ناصر: سلمت سلم عالوالد والوالده
نايف: يبلغ . مع السلامه
أبو ناصر: مع السلامه

(أبو ناصر كان مسافر مع أم ناصر الرياض عشان تتعالج وصار لهم شهر ونص هناك ورجعوا قبل يومين للشرقيه عشان يعيدون مع أهلهم وطبعآ زي ماقلت عندهم بنت وهي الكبيره ساره وبعدها ناصر ثالث ثنوي وسعود ثاني متوسط ومشعل ثالث إبتدائي وآخر العنقود فالح سنه و نص وطبعا حمل العيال طاح فوق راس ساره بماإنها الكبيره والبنت الوحيده )

في وساره توهم طالعين من المجمع شافوا سيارة أبوناصر وراحوله

ساره : السلااااااااااااااااااااااااااااااااااام
أبوناصر : وعليكم السلام هاه خلصتوا
ساره: الحمد لله
أبوناصر : وإنتي يا في
في : الحمدلله عمي خلصت

وبعدها إرجعو البيت