بنت الاكابر --------- حلم عابر

صباحكم فل ونرجس ومساكم ياسمين
اترك بينكم هذى الكيبورديه واللتى كتبتها على عجل
واتمنى ان تحوز على بعض من رضاكم وقبولكم



[poem=font=",6,black,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""] اشعلت نارك بالجفا والتحدي=وبديت فى عزت شموخك تكابر
ياشين هدي خلها بس تعدي=دامي عزيز النفس للحين صابر
متقلب بطبعك تروح وتردي=تنزل غلاك ونوب بروس المنابر
مره تجينى حب ومره تصدي=وياما كسرت القلب ولاصرت جابر
قلبك عمي مانتا لطريقك امقدي=جوك ظلام وصحوة الصبح غابر
تدري الغلا ماهو بيدك ويدي=ماهو بكثر المال ’ بنت الأكابر ’
تحسب على الغلطات وفيها تعدي=وانا لو احسبها تجف المحابر
مره بعينك كنت انا حلم وردي=ومرات في عينك انا حلم عابر
اقفى خفا مابي ابيَح بسدي=وانتا على ذبحي بفعلك تثابر
واللى خلق روحك فلا انتا بقدي=وانتا بشخصي اكثر الناس خابر
ارحل بصمتك قبل ماهي تصدي=تموت ناس ٍ ماهوت للمقابر[/poem]