حل‘ـمـي النهــــآب

بسم الله الرحمن الرحيم

في دنيتي عايش لا صــــديق ولا صآحـــب
في دنيتي مظلوم وظــــلمي له أسبــــــــآب

يمكن اني جيت بــــوقت غير المنآســـــــب
وقت متقلب ابو سفيآن مــــن الكفر تـــــآب

ماحب النميمة ولا أجــــامل ولا أحاســــب
ولاحب اللي لآ قضــــى المصلحة غــــآب

مانيب خوآن لخلــــي وحبلي على الغـارب
لكن زمـآني رمآني وجــــرح الجرح طـآب

مبطي وانا منسي كــــما نسيت الوآجــــــب
يتعذر بنسيآنه عــــذر أغلب الطــــــــــلآب

مبطي وأشوف العين تعــــلى على الحآجب
بالضيق لآ جاني صــــديق ولا فاد الاطباب

مبطي وهذا الحلــــم على ليلي تعاقــــــــب
منام عيا ينجلــــي رجل عارضه شـــــــاب

لا جاني النوم والشرقي مع الغربي تجـاذب
شفت لي بيت نصيته !! وافـتح البــــــــاب

الدار ظلمـــــا وريح الدخون متساهــــــــب
والليل مضفـــي من دواجيره حــجـــــــاب

صوت المشــــي قرب وزول اكالشايـــــب
حيــابــي وقلطني وابدا لي الترحــــــــــاب

ضيفني بفنجـــال من زعفرانه يجـــــــاوب
في دلة دقها بغـــداد ما دقها حطـــــــــــآب

قلت وش رجــــل شاف بزمانه عجايـــــب
وحيد تغرب اصحابـــــه واقرابـة اغــراب

قال:الرجل يصــبر في سواهيـد النوايـــب
هذا القدر مـــاشي ومن صبـر ماخـــــــاب

هذا زمــــان المعركـة فيها الردى غالــب
الطيب مآت وحس الجـود ينعق به غـراب

قبل لا ينتهي !! صوت العصافير يتــناوب
صحيت من نومي واذكر حلمي النهـــــاب

واكرر براسي كلام ممتلي بالتجــــــــارب
كلمتين قالها بالحلم تكفي عن كتـــــــــــاب

وختامها !! يـالله تشفي غمير السبايــــــب
ترحم ضعفنـــــــا وتكفلنا بيوم الحســــآب

نآيف الشمري..
5/1/1431هـ..