(قصيده ورد)

قصيده اعجبتني وجاريتها

القصيده تعبر عن مضمونها

جرح الزمـان أدمـى فـؤادي وصدّيـت
عـن حبـك اللـي ليتـنـي مــا عطيـتـك
جيتـك مشاعـر حــب جيـتـك ولبّـيـت
صوت الحنيـن اللـي فهقنـي وبكيتـك
جـريّـت آهــات العـنـا يـــوم هـجّـيـت
عــذب القصـايـد داهمتـنـي وقـريـتـك
يـامـا سقـيـت أرواحـنـا ثــم أرويـــت
ضمـأ لهيـب الصمـت يومـي رويـتـك
يامـا رسمـت الحلـم ويامـا تهقـويـت
تبـنـي صــروح أحلامـنـا ومالقـيـتـك
ياشـيـن وقــت ٍ فـيـه حـبـك تمـاديـت
وأجمـل بـدايـات الـولـه يــوم جيـتـك
عيشتك في بعدي ولا عيشتـي مييـت
مـا أنـذل لـو (عـزك) منـح (صـدر بيتـك)
؟((بدري عليك تنال من عزتي شيئ))؟
حظـي رمانـي للشـقـى وإنــت فلّـيـت
لنـتـه بـديـت الـحـب ولا آنــا نهيـتـك
أسهـر طــوال اللـيـل عـنّـي تباطـيـت
أسمـع سواليفـك وأبــد مــا عصيـتـك
بـيـت الـغـرام الـلـي بنـيـنـاه يـالـيـت
مـا جـيـت تهدمـنـي بـعـد مــا بنيـتـك
ملـفـاي مـقـدام الـوفـاء يــوم دلـيّــت
جـرحـي دواه البـعـد وعـنـي رميـتـك
كنـي علـى جمـر الشقـاوي تقهـويـت
فنجـال جرحـك صبّنـي مــا أرتويـتـك
أوّن مــن بـعـدك وبالـصـوت حنّـيـت
تشهق لـك أنفـاس الحكـي لا طريتـك
برمي الوله والحزن وأرمي التناهيت
وأرمــي الليـالـي دامـنـي قــد بكيـتـك
والـيــوم والله دامـنــي قـــد تـقـوّيـت
بعيـش بشموخـي وأبــد مــا نخيـتـك

مـا أنـذل لـو عـزك منـح صـدر بيتـك

(بدري عليك تنال من عزتي شيئ)

من هنا بدأت

يـــلي بنــك النــــجد عنــــــي تخفيت
والله عــــرفتك يــــوم حلــلت بـــيتك

اهلا هلا بك عــــد مــن طاف بالبيت
وهلا هلا وعــــداد دمـــعن بكــيـــتك

ولــــي خلق فـــي بـــعدكم مـاتهنيت
اسكنتك بـــوسط الخفوق وشـــريتك

لو شفتني حـَِّـين تـــرى خافقي ميت
لـــو طـــال بعـــدك يالـــغلا ماسليتك

اصعب ضروف الوقت لجلك تحديت
ورغـــم الضروف القاسيه مانسيتك

انت الذي فـي ساعة الضيق صديت
رغـــم اني بــروحي وقــــلبي فديتك

مـــــن دلتـــــك فنجال للـــهم صبيت
ونـــا الـــذي فنجال حــــــبي سقيتك

اســــهرت عيني بـــين هم وتناهيت
وهدمتني يـــومي بـــصدقي بنــــيتك

ليتك قـــبل تحكم علـــيه تـــــونـــيت
انـــــك تسيئ الــــــضن بي ماهقيتك

لحـــــب غيرك يــــــالغلا ماتـــمنيت
بالشـــعر والــــقيفان ياما نعــــــيتك

اسكـــنتك بقلبي وللـــبواب صــكيت
حلمك عشقـــته ويليتني مــاصحيتك

عاتب غرورك يـــــوم عـــني تغليت
دورت عـــنك ولــــلأسف مالــــقيتك

مازلت احبك رحــت ولا بعد جـــيت
لـــو طــــول غيابك تـــرى ماعزيتك

انا تــــرى لاقـــــلت يابــــنت اوفـيت
مايــــوم في درب الخيانه نويتــــــك

تعـــــال من بعدك تــــرى اليوم مليت
لاتبيعني يــــومي بقـــــلبي شـــــريتك

بـــــوح مباشـــــر