مساكم ورد هذه مساجلات بيني وبين أستاذي محمد أديهم ويستاهل أكثر من هذا
فأحببت أن تحط رحالها بهذا الصرح الراقي الجميل والشامخ ..
فهي كانت كيبورديات من ما جادة به القريحه حينها...
& حمدااان &
مبطي وأنا معجب ميـول وتعينـت=عينت فيك أسلوب..أسلوب فـارق
وأنا آشهد أنك ياأبو خالد له آتقنـت=طيب وتواضع ماهو أسلوب سارق
مبدع نديم أبداع..الإبداع هو أنت=يا محمد آديهم : بك آسلوب خـارق
يوم ان غيرك غاب جيت وتبينـت=وآحييت جمر الشعر والجمر حارق
النادر الـي كلمتـه دوم برهنـت=اللي على نظم القوااااافي بيارق
لا تنحني للهم . . لو مـا تكونـت=أبيك لأبواب الأمل دوم طارق
شف ماضي سنين وحضارات هالنت=صابوا الهدف يوم الهدف مر مارق
تحزم أحزامي ولـو ما تمكنـت=لابد ما طيوف الفرح فيك تارق
تمت وصح لسانهـا دوم لا هنـت=دام المعاني بيننـا ضـوح بـارق
& مــحــمــد &
اهلا بخـط الي لفــاني عـلا النت=ويامرحبـا يلي علـى الباب طارق
لاهنـت ياحمـدان لاهـنت لاهــنت=اهـلا هـلابك عــد مالاح بارق
جبـت المعـاني والقــوافي ولحنت=ردن على قـافك بيـوتن تبـارق
نقيـتهن مــن بــدع فكري ودونت=مثل القـــمر بالـيل ليا صار شارق
عـــن صاحبي مـــايوم عنه تكــنكنت=اضـحك ولـو قلبي به الهم حـارق
الشعر فيـني جـن وسلوبه اتـقنت=شيـطان في راسي من الشعر مارق
والحب اصعب شيئ ليا صار بالعنت=ومسكين من قلبه مع الحـب غارق
والله ذبحني يالسـنافي غـلا بنت=بيني وبـينه ليـت ماجـا مفـارق
وختامها ولي خـلق مالها خنت=ومـوتبه لــوهو للاحساس صارق
& حمدااان &
الحر حلق في سماك وبرااضيـك=وطابت له ديارك وعندك نزيلـي
حـر ٍ تهدّه...مايخيّـب هقاويـك=عزّك..ويبرى كل جرحٍ ٍ عليلـي
وشعور صادق ما دخل فيه تشكيك=مشاعر ٍ بأحساس شااعر رويلي
من واحد يودّك وبالحيـل يغليـك=يقوى لحمل وفوق حمله يشيلـي
انت الشرف والفخر للي يخاويـك=يامحمـد اديهـم مثلـك قليلـي
خذني ملاذك للعدو..فعول تنبيـك=داامي عضيدك والولي هو كفيلي
إما أجي نومـاس على معاديـك=وإلا بلاش أجيك وأنت لا تجيلـي
& مــحــمــد &
اهلا هـلا وعــداد ماحـل طاريك=ابراعي العليا سلايـل رويـلي
اهــلا هـلا حمـدان الله يحـيـيك=وكل الكلام بوصف شخصك قليلي
بالعـز والنوماس والله مـصافيـك=وياليتني اقـدر ورد الجميلي
مشكور عـودن بالمراجل مـربيك=مــــن لابتن يشفون قلب الغليلي
ماخاب ظني يالرويلي تـرى فـيك=انا اشهــدنك لصعـايب تشيـلي
بينت راسك يوم جيت اعتـزي فيك=وكويت وجـهن بالمـذله رزيلي
وما خاب منهو جاك للطيب ناصيك=وقبــل تحيـاتي وشكرن جزيلي
& حمدااان &
هي عادة القرم السنااافي يبديك=هذا العشم ومن تــااه يـلـقى الدليلي
يدمح خطاك ولازم أنه يراااعيك=وإليا وقف بـ..وجه الخصيم القبيلي
طبعه على علم الفخر هو يباااريك=يشتاااااق للـعـلـيـا وفـعـل الجميلي
& مــحــمــد &
الله من علوم الرجاجيل معطيك=والعز دونه مانـدور بـديلي
لابدها ماتزين يالقـــرم واجيك=قبل اليالي السـود يمـي تميلي
خذ الوكاد وسجله مـــن بناخيك=بدرب الخطى يالصيرمي مانعيلي
، ، ، ،
، ،
،