أروني من حنانك

يا مداعب صدى صوتي وصوتك ذبوح
أروني من حـنانك حتى أقول ارتويت

المـحـبـة لهـا بر وبحر في طموح
والمشاعـر لهـا في داخل القلب بيت

في عيوني سـحاب الشوق برقة يلوح
وانطلق بي غرامك يوم أنا به سريت

فوق صهوة جواد الحُـب قلبي جموح
بين الأضلاع مضماره وصوبك لفيت

في سباق الغـرام أطلقت قـلبٍ وروح
فوزها تحـتضنك ورحمتك لا وليت

لا يطول الـعـذاب ولا تزيد الجروح
أرحـم اللي على قـتله بحـبك نويت

شاف للموت بين أهداب عينك وضوح
تستره لو نعست وينكشف لو صحيت

بين صحوك وتنعـيـسك خفوقه يروح
انطوى بك وبالفعل أنت فيه انطـويت

في نواعـسـك للعـشاق صمتٍ وبوح
تـرجمتها حـياة ومـوت مهما قريت

بحـرها بالـوله والشوق أنا له جنوح
كل موج أسـتلذه وإن رفعني هويت

بين عمقه وقـمـة موجته والسفوح
أدفن الجرح وأنـسى ما مضى ونتهيت