الا واشيب عيني ..
اتمنى تنال اعجابكم 0
===========================
الا واشيب عيني يوم قالوا لي فمان الله
وتحققت انهم من عقب جمعاهم مقفيني
تغايا لي خيال الموت يومه مد لي يمناه
ولد بعينه الخرسا عقب ماقفى يراعيني
نهدت وقلت مماجال بالصندوق واعزاه
سراب اللال باكر يطرد مابينه وبيني
حلفت برب خلقه لو يطول البعد انا منساه
انا وشلون ابيع اللي من العربان شاريني
تصبر ياخفوق صار داه اليوم وسط ارداه
على رجوى ان رب العرش يدنيهم ويدنيني
مثل ماخذت قلبي المحبوب عطني اياه
على شان انتساوى في المحبة بالموازين
ايلا قارنت غيرك بك خجلت وقلت :وانقصاه
انا وشلون اقارن كامل الاوصاف بالشين
ولو هو في حسن يوسف بالنور نور ضياه
وختمها عسى ربا بلاني به يقويني
|