القلم والبوك

بسم الله الرحمن الرحيم
الشاعر\ مشعل عسام التريباني الشمري
((القلم والبوك))

القلم والـــبوك عــند ي والــمــداد (1) واخذٍ من قمّة الشعر اجزله

اكتب الجزلات واخشـــى الانتقاد (2) واترفّع عن قصيد المهــزله

احمـــد الله مركبــي فوق الشــداد (3) يوم كلٍ يمتطي ظهــر جمله

لابتــــي شمـــر مطـيفــــينٍ وكاد (4) فعلهم معـــروف محدٍ يجهله

يقحمون الخصم في وقت الطراد (5) فــــــي نهارٍ فيه مثل الزلزله

ياحصــل مصباح والاّ جاء هجاد (6) تنقـــلب عــقّا لهم تقل اجهـــله

باعــو الارواح فـي سوق المزاد (7) يرخصون ارواحهم عند زعله

قمّة الامجاد فـــي وقــــت العناد (8) ومـــن دخل ببيوتهم راح زمله

الـطـــنايا لابتـــي د رع الــبلا د (9) بالســنــين المســــملات الاوله

وبالكــرم يرمون للسرحان زاد (10) اشبعــو ذيب الخلافــــي منهله

عارفـــين الســـالفه كل العــباد (11) ســــيرتٍ عـــند العــباد مجمّله

واللحــيسه عندنا شــــــيٍ وكاد (12) نكــرم العانـــي بشـــيٍ نــبذ له

والجــوار الاسلمـي جابه واجاد (13) تعجــز الرد يان عنما يفــــعله

والخـــوي جبناه من دار الحماد (14) مقــدم الشـــــلقان يرفع محمله

قال حطوله علــى متنــــي مهاد (15) لو ثقل وزنه فلا هــــي مشكله

مقتطف مــن فعلنا ماهـــي دواد (16) يوم خطــو اللاش لاشي عمله

مقتطف من فعل خطلان الاياد (17) والنفـــــوس خفاف مهــي مثقله

داخـــلٍ بالله عــن ظلم العــــباد (18) الــقـبايل كل ابوهــا مكــمـــــله

خايفٍ مــن سطـــوته يوم التناد (19) والتجــــي بحماه ورضاه اسئله

رافعٍ ســــبعٍ طــباق بلاعــــماد (20) مـــــرجعٍ للقاع من عقب محله

مشعل

صح لسانك وعلا شانك

بيض الله وجهك وسلمت

تحياااااتي لك..

اسعد الله وصح فكرك ونبضك
على القصيده
ودي ووردي
لشخصك

صح ألسانك وبيض الله وجهك ..
لاهنت ولاهان منطوقك ..


دمت بخير ..

هلا وغلا بشيخ المنتدى ,,
صح الله لسانك ,,
ونعم باللي ذكرت ,,
لاهنت على حضورك الطيب ,,

عشوووق

شاعرنا مشعل التربانى
صح لسانك على هذه الرائعه وتسلم يمناك
تستحق الشكر والوقوف لها
بأنتظار جديدك

صح لسانك وعلا شانك

ونعم فيك وبشمر

دمت بخير

صح الله لسانك و بيض الله وجهك

قصيدة جزله من شاعر متمكن و بكل اقتدار

لا هنت و لا هان غاليك

راقتـ لي كثيراً ..
سلم لنا بوحك..
بأنتظــــــار كل جديد منك.
تحيــــــــــــــــاتي ..

شاعرنا المبدع مشعل التريباني

قصيدة جزلة ورائعه من سموك
صح السانك وبيض الله وجهك شاعرنا
ربي يعطيك العافيه

دمت بخير

شكرا للجميع الاخوان والاخوات على المرور المشرف والمشجع الله لايهينكم الجميع منكم

مبدع الى ابعد مدى ...

صح لسانك والله ابداع شموخ وعظمه تفوق الخيال

صح الله لسانك و بيض الله وجهك

قصيدة جزله من شاعر متمكن

صح لسانك على هالمدآد الأصيل
والف نعم بك يامميز

شكراللجميع على المرؤور والاطرى الله لايهينكم ايها الافاضل جميعا