مساءكم سعادة وكل عام واعضاء هذا الصرح الشامخ بألف خير
حضوري الأول بينكم اتمنى أن تــروق إلى قلوبكم النقيه
اللي بلاه الــسهـــر مايلــــتفت للفراش=داري عيوني عن المرقاد وش لدها
نارد على الجمة الزرقا ونصدر عطاش=نخيل مزون لاح البرق في سدهــــا
يالله بمـزناًخياله سـيل ماهـو رشـاش=يسقي كبوداًعطاشا واصله حدهــــا
أنا ووقتي فتـحنا للقضية نقاش=نفتح ملفاتـــهــــا ونـعود نــــردهــــا
كان الحقيقة عليها صار مثل الغباش=نفرق مزوح الليال السود من جدهــا
الليل وقته سبات الصبح وقته معاش=وأربع فصول ألسنه للي جهل عدهــا
يانمدها للنشاما وافيه يابــــــــلاش=ولانـــمــدها باليمين وننتظر ردهـــــــا
لو إن وقتي عطاني كاش ماعطيه كاش=أقــــول لابدهـــا ياوقـــــــــت لابدهـــــا
لو الطواري بصدري يغتوشن اغتواش=حنا رجالٍ تموت ولا انكشف سـدهـــــا
وإلى بنينا مانبني فوق ساسا هشاش=مانحطها فوق ساس إلا وهو قــــدهــا
مايلف ويطيح وسط النار غير الفراش=وإلا الحرار إن تناحت مبعداً مــــدهــــا
الليل وقته سبات الصبح وقته معاش=ولا ادري عيوني عن المرقاد وش لدهــــا
بقلمي / محمد سالم الميهوبي
العضو الأكثر نشاطاً هذا اليوم 
العرض الشجري
