الروح ياساده بلشت بحساده

[poem=font=",6,orange,bold,normal" bkcolor="black" bkimage="" border="double,8,darkred" type=2 line=0 align=center use=ex num="0,black""]

الروح ياساده بلشت بحساده=واعوان موساده تثبت وانا نافي
راجت بنا روجه والحقد بدروجه=والكذب بهروجه من كل الاطيافي
تغتاظ من طيبك وكثرة خطاطيبك=وبالكذب تسطي بك يالغافل الغافي
عرق الردى قاده يسري مع احقاده=تآتيه برقاده ويمكن يقع هافي
ربي كسر طيره وجفف قواطيره =ترزف مواطيره ونور الحشى طافي
حتى ولد جاره مايآمن احجاره=وسنون فرجاره تطعن بالاكتافي
واللي بقى طاني لا شاف شيطاني=يرحل لخيطاني ويبعد عن السافي
مادام زيداني يلعب بميداني=جمهور ضيداني ماتمنع اهدافي
دع ذا وياماشي لاصحاب الانماشي =شف زين الارماشي وش فيه ياكافي
قل يا سهر ليلي وسلوة تعاليلي=ناتج تحاليلي ان الحشى هافي
لاجلك قضت روحي والقلب مجروحي=والوضع مشروحي يازام الاردافي
لاجلك سهر عيني وجملة طواعيني=وترفض تراعيني في رمشك الضافي
دام الزهر ريحك تكثر مجاريحك=ومازال تصريحك مع صاحبك جافي
هجرك رمى حالي في ضيق الادحالي =وحلي وترحالي بين العرب حافي
لو جيت بالسيني وبالجيم ناسيني=لو هي تواسيني ياعذب الاوصافي
ممنوع من ريفك وعالي مشاريفك=وعذرك وتصريفك هي درب الاتلافي
ياماحلا نونك لو شان قانونك=ومادمت مجنونك واعد ولا تافي
[/poem]

الموضوع الأصلي: الروح ياساده بلشت بحساده || الكاتب: فواز الغسلان || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات