[poem=font=",6,orange,bold,italic" bkcolor="black" bkimage="" border="double,4," type=2 line=0 align=center use=ex num="0,black""] هذي مزون الخالدي قامت تسيل=وغرايسه طابت وطالت واثمره
وصارت لضيفان العرب ظل ظليل=لاقيل نسل الهون راغت واخمره
احلا من اريام المها بالدردنيل=ولعب العنايد في بحيرة مرمره
نقاه ولد عشيش وعياره ثقيل=وعنده على نظم الجزايل مقدره
جتنا جديده بالهياكل والموديل=ماهي من اسواق العرب والسمسره
لاصار حول قيال مع شمس الاصيل=هاضت تماثيل القصيد وحرره
ظلع رقاه الشهم لاهاب الذليل=لاهابه اللي بالرخى له بربره
يكشف سكاكا والمجالس والنخيل=ويرقب حروفه يوم شدت وابحره
وانا على القيفان عمرت السبيل=وسويت للفكر الشقاوي صنفره
وحطيت بالشاي المخدر زنجبيل=وغطست نيشان القلم بالمحبره
في ضامر مايمدح الرجل الرزيل=ولاجامل اصحاب الردى والمصخره
امدح هل الطولات والقدر الجليل=واللي ذكر درب الندى في منبره
ولا راح نستعمل لخلق الله مزيل=ونظراتنا محدن يشوش مجهره
لو شهرته ند العرب فتحي كميل=او فارس محدن يناطح عسكره
شافت وعافت ثم نادت بالرحيل=وشفها مع الدرب الجنوبي دحدره
وانتم من اللي بالقسى ماتستقيل=قوم خذت ورد الكرام ومصدره[/poem]
العضو الأكثر نشاطاً هذا اليوم 
العرض العادي
