نظرة عيونه يوم يزعل يا لبيه

[align=center][tabletext="width:70%;background-color:rgb(244, 164, 96);"][cell="filter:;"][align=center]
مبطي مـن علومه وحبه وطاريه
وذكراه قلبي ويــن ماأنحى القـــاها


ياكـــذبني كذبــاه لو قلت ناسـيه
وهو مـــعي صيف الســـنين وشتاها

يمديه يرجع قبل ماعاد يمـديه
قبل الصبر يبرى الضلوع ورجاها

فقدت صوته فـ الصباح وحـــراويه
وكلمة صباح الخير فاقد دفاها

غاب وترك لـــه واحداً ميـتً فيه
حسبـــي على الايام ماأشين قضاها

تسرق حبيب الروح مني وانا ابغيه
وتزيد في قلب الــشقاوي عنـاها

خابره مثل الورد والوصل يسـقيه
والحين مدري تــربته من سقـاها

نظرة عيونه يوم يزعل يا لبيه
حتى وهو زعلان زايد حلاها

الصبح وجهه وأسود الليل قافيه
واليا ضحك هلت سما الغيم ماها

وعينه كما عين الوحش في مجانيه
سواده الموتى مصفا وداها

ما كأني بوسط العرب يوم احاكيه
الناس تحكي لي ولا أسمع حكاها

أغليه واخترته واحبه واداريه
وأحب كل أرضٍ برجله وطاها

وابيع كل الخلق لرضاه واشريه
وانسى معه ضيم السنين ورداها

ياحاضر عيون المولع وماضيه
إلحق على روحي وعجل دواها

تدري خفوقي يوم تطري وش يجيه
يندس ف ضلوعي ويبكي وراها

حبك بجوفي جعل عيني ما تبكيه
شهذاك ف عروق الخفوق ومداها

أصد به من هرجة الناس واخفيه
ويبين ف عيون الحزين وبكاها

المستحيل أنساك يا سيد التيه
لوتأخذك عوج الظروف وقساها

لاترخص بقلبي ولك مسكنٍ فيه
الله يسامح غيبتك ويهداها




[/align][/cell][/tabletext][/align]

الموضوع الأصلي: نظرة عيونه يوم يزعل يا لبيه || الكاتب: الغند || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات