نهاية حبنا

نهايه حبنا الليله ولا ادري كيف راح تكون = نهايه صعبه ومره ولكن كيف ابديها
اخاف دموعي تسبقني وتعلا وجنتي ويردون = بعض الناس عن قصه مضالي سنين مخفيها
بدايه حبنا حنا حلفنا للعهد مانخون = لو طلق يوم من الايام وطال الشقا فيها
رسمنا احلام بالدنيا نسينا حنا منهو نكون = خذانا حبنا لدروب صعب إنا نعديها
خذانا حبنا ونسانا تقليد العرب وشلون = تقاليد العرب ياما كوت قبلي اهاليها
ودقت ساعه الفرقا مع اغلى بشر بالكون = وصلنا دمعه التوديع عجزنا لا نخفيها
الا ياليت فرقاها سنه وشهور كان تهون = كان اصبر لو دروب الصبر جمره ابمشيها
تقول الناس تنظرها وتمسح دمعها بالهون = ومدت لي بقايا اوراق قصايد قلتها فيها
وراحت ترخي الشيله وباح الخافي المكنون = بليا شعور بين الناس قمت اصارخ واناديها
تعالي عقبك الدنيا ضياع وخالطتها شجون = تعالي ماتت الفرحه مثل روحي وامانيها
رجعت بجزني والأمي اعاتب حظي المدفون = اخفي دمعه سالت عقب ما راح غاليها
يا ناس منهو يلوم اللى زمانه ما وقف له عون = ياناس تدرون دموع الحب مصيبه من يخفيها