بأمان الله في قلبٍ حزين وخاطرٍ مكسور

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4," type=2 line=0 align=center use=ex num="0,black""]
بأمـان الله فـي قـلـبٍ حـزيـن وخـاطرٍ مكسور=بأمـان الله ياجـرح الخـفــوق وبلـسـم جـروحه
بأمـان الـلـه واعـذرنـي ترانـي بالجـفــى مـعذور=حبيبك عقـب عـيـنـك عاف روحه يابعـد روحه
رحلت بلـيـلةٍ ظـلـمـاء قبل يـبـدى شـعـاع النور=مع ان الروح في فرقـاك تمـسـي شـبـه مذبوحه
حملت بخافقي جرحٍ عن عـيـون العرب مستور=والا ياكـثـر مـن يخـفـي بوسـط الجـوف ذابوحه
اذا زادت جـروح الروح مـزبانـه بروس الـقـور=يـبـي يرتـاح مـن كثرة جـمـوع الناس وطروحه
حدى روحي على الفرقى طعون المهزله والجور=وصبر الروح تحت الجـور مدري ويش مربوحه
مشيت بسـهـلـةٍ يجدع لـهـيـبــه راعي الـمـظـهـور=ولا داجـت مـضـامـيـهـا نجــوع الـبـدو وسروحه
تقول ان الحـصى يقــدح ويحـرق لافـح العصفور=واذا قامت رمـاح الـشـمــس كـن الـنـار مـقدوحه
قـنـيـب الذيب وسط الليل يقـطــع ظـلـمـة الديجور=عوى يشكي جحيم الجوع فـوق الظـلـع وسـفـوحـه
مثل حالي عـقـب فرقى عـيـونـك ياشـبـيـه الحـور=وشفـت الناس تـنـشــدني تـقـول الحـال وش نوحه
وقلت الـعـوق مـن كـونـي فقدت اللي تنير الدور=وشـفــت الـقــفـل بأبـوابٍ هـقـيـتــه دوم مـفـتــوحه
تركته صوب من نادى كلـيـمــه فـي جبال الطور=هـو الـلـي كاتب رزقـي ورزق الـخـلـق فـي لـوحـه
ولو رزقي بحكـم الـنـاس شـالـوا زرعـي الـمـبـذور=لـو ان الـمـزرعـه فـيـهـا بـنــود الـزرع مـفـسـوحه
عسى ربـي يعـيـن اللي عـلـى طيبه يـشـيـد جـسـور=بصدره خـافـقٍ يغـلـي قـصـور الـطـيـب وصـروحه
ويجـمـع خـافـقــي بالـلــي شـعــرها طــايـحٍ مـنثور=ويـطـفـي بالـحــشـى جـمــرة غــرامٍ كـايــدٍ فــوحـه
هو القادر يـعـيـد اركان قـصـر احـلامـنــا الـمهجـور=ويـرحـم مـن فـقــد لــذة هـوى الـمـحـبـوب ومـزوحه
[/poem]

الموضوع الأصلي: بأمان الله في قلبٍ حزين وخاطرٍ مكسور || الكاتب: فواز الغسلان || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات