ياضاق فسح الكون والياس دكـك
وتكالبت ضدك بلايـا عظيمـات
وقاس الزمن بالوجه جالك وصكك
وجروح قلبك كل ابوهن عطيبـات
وكل ماتقول تزين ترجـع تلكـك
يعني من الدنياء شربت المصيبات
ولاعاد باقي بالحيّـل مـا يعكـك
و بعض الرفاقه قال مافيه فزعات
صديق لااحتاجـك لفـاك يتحكـك
سريع بأقباله وياسـرع الاقفـات
وان جيت يمه قام عنـك يتصكـك
ماكنه الا حيئ من شوفتـك مـات
افزع على الـي لازبنتـه يفكـك
محيي الهشيم وباعثٍ عظم الاموات
تبارك اسمك جـل يـا الله ملكـك
يافارج كـل الكـرب والملمـات
بك استجير عن الوجيه المضكـك
الي تخلي واسع الكـون ضيقـات
العضو الأكثر نشاطاً هذا اليوم 
العرض الشجري
