بسم الله الرحمن الرحيم
السلام عليكم ورحمة الله وبركاته
أسعد الله قلوبكم الطاهره بكل خير ومحبه
مرحوم يا حب(ن) مع الوقت مـا دام
مات الوفا وحـل الجفـا فـي محلـه
مسكانه الخافق لـه شهـور واعـوام
حتـى ترعـرع بالحشـا واستحلـه
يا وقـت تلحقـك الملامـه والآثـام
غريتـنـي بالنـظـره المسفهـلـه
اثْر الجفا درب(ن) له اتسير الاقـدام
درب(ن) صواديـف الليالـي تـدلـه
ما الوم جفن(ن) عن لذيذ الكرا صـام
واليا بغى حلو الكرا مـا حصـل لـه
شف طاري الفرقا على وجيه الاكـرام
صـارت عواذيـل الهـوا تستغـلـه
اضيـق واحكـي للهوا قصـه العـام
وانواب اهوجس واترك الهـرج كلـه
يا لايمـي مـا يسمـع القلـب لـوام
خـل العتـب واللـوم دقـه وجـلـه
مافيه وصل(ن) بالتمنـي و الاحـلام
ولا فيه خل(ن) مرخص(ن) شوف خله
وصل(ن) بلا فرقا تخاريف و اوهـام
ودمع المفارق كـل عيـن(ن) تهلـه
الوقـت لحـلام المحبـيـن هــدام
صار الجفا سيف(ن) عليهـم يسلـه
خل الجـروح اللـي جديـدات وقـدام
ماكل جرح(ن) يشفـي الوقـت غلـه
جـرح(ن) تداويـه الليالـي والايـام
و جرح(ن) مع الايـام يـزداد علـه
للـشـآع ــر/نــآيـف الـهـفــتــآء
دمتم بوصل ومحبه
أختكم حنين الشوق
العضو الأكثر نشاطاً هذا اليوم 
العرض الشجري
