|
قصائد الشعراء المشاركين في الحلقة الاولى من شاعر المليون
الشعراء المشاركين بالحلقة الأولى من النسخه الرابعه لبرنامج شاعر المليون
ابراهيم البلوي ( المملكة العربية السعودية )
احمد الضباعي ( دولة الامارات العربية المتحدة )
ثاني الدهمشي ( المملكة العربية السعودية )
حميد البحري ( اليمن )
ربا الدويكات ( الاردن )
سلطان بن بتلا الحربي ( المملكة العربية السعودية )
عبدالله بن بصيص المطيري ( دولة الكويت )
علي الغياثين المري ( دولة قطر )
قصائدهم :
ابراهيم البلوي
المملكة العربية السعودية
فضة تعالـي قربـي عنـدي كـلام ..
قبل استخير وبعـض مابـي يحتويـه ..
البارحـة نادمـت صمتـك بالمنـام ..
وأشعل ضمير البوح من جذوة فقيـه ..
كنه بعث بي صوت من تحت الركـام ..
مرت عليه سنين واحساسـي نسيـه ..
قمت استعيد الذاكرة في كـل عـام ..
واسكب مداد الضيق وأرجع واحتسيه ..
شفتك وأنـا بالمهـد نظراتـي حمـام ..
تخطب وداد وجيـه وتغـادر وجيـه ..
طفلٍ عليك يلـد عينـه يـا حـرام ..
كنه يقول بصمت ياروحـه خذيـه ..
وأنتي تمدين الغـلا بكفـوف خـام ..
يستـر مشاريـه الصغيـر ويرتديـه ..
وإن حس برد الخوف لديتـي همـام ..
حكتي دفاك لحاف وأضفيتـي عليـه ..
حتى كبر وأشتـد عـوده واستقـام ..
وأصبح يكيل الطيش في راحة يديـه ..
ما كنه إلا ينسـج خيـوط الظـلام ..
لأفكار من سالـف زمانـه تعتريـه ..
واقع مرير وضعف حيلـه وانهـزام ..
غربة تسافـر فـي مـداه وتحتريـه ..
ما بين نهج الدين وأفكـاره خصـام ..
عجزه لقى التبرير فـي مبـدأ سفيـه ..
حول حياتك هم وظنونـك هيـام ..
ترجي سحابة صيف من عذرٍ وجيـه ..
واخر مطاف الحلـم تهتـي بالزحـام ..
في مشهدٍ ما له سوى ضعفك شبيـه ..
حصة ومريم .. ريم وأشواق ومـرام ..
يا هيه ما احسه دخيلك حـس فيـه ..
وصيـة الطاهـر إلـى وردن حيـام ..
خلك لهن مزبن علـى العـد النزيـه ..
وأخفض جناح اللين حشمه واحترام ..
وأفخر بكنزٍ فـي حياتـك تفتديـه ..
من يعتزي بأخته ليـا سـل الحسـام ..
عيد النظر بالعلم وأفهـم يـا نبيـه ..
لو تنشد التاريخ عـن سيـرة همـام ..
يمديك في بعـض المواقـف تحتذيـه ..
من لقن الفاروق عـن طـه السـلام ..
من خلدت صخرا بصخـرا نستقيـه ..
من قال نورة واعتـزى ذروة سنـام ..
حتى بنـى للمجـد صرحـا يعتليـه ..
فضة .. تعالي وأسمعي ملـح الكـلام ..
قدرك على راسـي رفعتـه وأحتميـه ..
****
احمد الضباعي
دولة الامارات العربية المتحدة
يـا جميـل المحيـا يـا محيـا الجمـيـل ..
وش بقول و باخلي وش باخلي و اقـول ..
المفاهيـم وحـده و الحصيـل الحصيـل ..
كل شي في أوانـه و الهـوى بالأصـول ..
و الغصيـن الجميـل ان زاد حملـه يميـل ..
مثل وبل السحاب اللـي سمـوه نـزول ..
و انت يا حلم عمري يا خليـل الخليـل ..
كل ما زدت طيبه زدت وهج و ذهـول ..
ازرعك كل صبح و احصدك كـل ليـل ..
و انتهي بك فصول و ابتدي بك فصـول ..
و آخذك بانتفاضه من قصيـد و صهيـل ..
و انت تجفل و شعري من جفولك جفول ..
انت مثل الحلول اللي ما تشفـي الغليـل ..
و انت مثل الغليل اللي ما يرضي بحلـول ..
يا طويـل قصيـر و يـا قصيـر طويـل ..
فيك طول بقصر و فيك قصـر بطـول ..
خذت مكر الكريم و خذت لطف البخيل ..
و احتويت الفضول و لا حواك الفضـول ..
فيك الفين قول و فيـك مليـون قيـل ..
يعظم القيل فيـك و لا يعظمـك قـول ..
ترتكـي للحمـول و تعتنـي بالهـزيـل ..
و الهزيل يهذي بك لاارتكـى للحمـول ..
كل يوم يسيـل بخافقـي الـف سيـل ..
و انت ما همك الا سـد كـل السيـول ..
وكـل ليلـة اذوق المـر و السلسبيـل ..
لا نظرتك بوسط النجـم عنـد الافـول ..
عشت لاجل الملاقى فوق كف الرحيـل ..
بين عذل اللئيـم و بيـن لئـم العـذول ..
انتقي لك مـن خيـول المحابـاة خيـل ..
و تنتقي لي من خيـول المجافـا خيـول ..
دام لك كل شي يسعى و يحـن و يميـل ..
فأنت برهان لاسبـاب الغـلا و الميـول ..
و البراهيـن مـا تغـتـر بالمستحـيـل ..
تقلب الحول شهر و تقلب الشهر حـول ..
كل شي من حواليهـا يسـوق الدليـل ..
شمس و الشمس عين الحق و ام الوصـول ..
دام لي فيـك غايـة لا تطـول و اطيـل ..
هاتهـا مـن قصيرتهـا قبـل لا تطـول ..
سو فيني جمالـه و اكتـب بـي الجميـل ..
و افتح كتاب فضفضتك و فضفض و قول ..
****
ثاني ثويني الدهمشي العنزي
المملكة العربية السعودية
هام قلبٍ ضيقته مصدر افراحه ..
و غاب فكر ماخذ من الهوى لونه ..
و الوفا لا خان صاحبه ذباحه ..
و كذبة بالصدق حيه و مدفونه ..
من ورا المعنى كفخ شعر بجناحه ..
مخلبه قصدي و صيدته مضمونه ..
جيت لك مكتوب يا شاطي الراحه ..
شاعرك ابكى كثيرين يقرونه ..
مبدأه ثابت شف الوقت برياحه ..
ما قدر للجذع كسّر من غصونه ..
عادته لامر هاجسه بجراحه ..
صيّر العقيّل غاوين بجنونه ..
بابه المقفول مفقود مفتاحه ..
و خلف بابه كل الاسرار مسجونه ..
معركته المجتمع فكره سلاحه ..
و النصر وارد و همته مشحونه ..
دلت نيوتن على المجد تفاحه ..
طاحت و كانت ولاده لقانونه ..
يا صديق الأمس في طارف الساحة ..
او عدو اليوم جو أمس وشلونه ..
ما وحشك الفقر و موايق اشباحه ..
شفني اشبع جوع و الفقر ما اخونه ..
الرصيف يحن و الحزن يجتاحه ..
لو قدرنا نجتمع يوم من دونه ..
ليه يا ورده تكونين فواحه ..
و انتي بروضٍ قفر ما يمرونه ..
كم يموت انسان ما نايحٍ ناحه ..
غير اخوه و لا لقى من يعزونه ..
يفرك المبلي من الضيق مسباحه ..
و لا تشاور طيحة دموعه عيونه ..
الغدير و نخلته شكلو واحه ..
و الفقير و لوعته مثلوا هونه ..
قاد تايه في دجى الليل مصباحه ..
و تاه قايد تتبع اقدامه ظنونه ..
قلت ما يغني غموضه عن ايضاحه ..
و الهقاوي عند الآمال مرهونه ..
****
حميد البحري
اليمن
توكلنا على الله باسمـه ابـدا و البعـاد قـراب ..
رجانـا بالله المعبـود ذي مـا خـاب طلابـه ..
معك طاب السمر يا هاجسي ما بين ضرس و ناب ..
فحول الشعر لكن كل شاعر يضبـط اعصابـه ..
انا ما جيت اشارك بس في حلقه و ادف البـاب ..
جماهيري توصينـي علـى البيـرق و مشعابـه ..
و من يعتب على قولي فلا يزعـل و لا يرتـاب ..
و يستاهل بياض الوجـه مـن عشـاه مخلابـه ..
الا قامت هل العليا مقام الجيـد فـي الانشـاب ..
انا رافع شعار النصـر و اهـل الجـود تزهابـه ..
رموز المجتمع و احفـاد تبـع شبـه و شـواب..
و حضرت كل مزيونه على الساحـات جذابـه ..
"و بيشهد حمد من عقب فحصه مخـزن الشبـاب ..
لان سلاح هاجوسـي يقـاوم ضـرب دبابـه ..
اناما لي بهاجـس مـا يوصلنـي الـى المرقـاب ..
الا التمت جموع القوم بيـن السهـل و هضابـه ..
حضرنا و الوعد قـدام و التاريـخ لـه كتـاب ..
ثقة شاعـر بمنطوقـه و رب البيـت و كتابـه ..
و لا حاجات للنعرات لا كل الرجال اصحـاب ..
انا قومي مـراد الجـود لا كـلٍ و لـه لابـه ..
هل التاريخ ما فينـا ردي يذكـر ولا كـذاب ..
و كم من جيد برجال اليمـن مفتولـه اشنابـه ..
قبايل رافعين الـروس بالشـده تحـل صعـاب ..
توردها علـى حـوض المنايـا للـردي هابـه ..
و شعب اقسى من الضلعان لا جار الزمان و عاب ..
و ساعات اللزوم اوفـى مـن الجمّـال لركابـه ..
سلام الله عليهم مـا تلامـا بـارق السحـاب ..
من الغيضه الى صعده و مأرب حاسـب حسابـه ..
لانه مهد تاريخ العرب و الاصـل و الانسـاب ..
على مـر العصـور الماضيـه للمجـد بوابـة ..
و حيث الشيخ زايد عاد سده و ارتوى الشـراب ..
و قايد شعبنا الريس علـي وقـف و حيـا بـه ..
اخوة صادقه مالوقـت يفنيهـا بـاي اسبـاب ..
و عمدها خليفه بالوفـا مرحـوم مـن جابـه ..
بذكر المصطفى سيد البشـر و اآل و الاحبـاب ..
صلوا علـى النبـي و اثنـوا علـى اصحابـه ..
****
يتبع
|
العضو الأكثر نشاطاً هذا اليوم 
العرض العادي
