متى هي .. تعتق كتابي !!

مدخـــل ..



صرت أصب الحزن في (عيون المكان)
ــــــــ وأشتكي منــك علي كـف الــورق ..
صرت أشوف أن انتهائي من زمان
ــــــــ حاضر بوجهي مثل (لـون .. الأرق) ..
صرت افك أبواب واتحرى .. أمان
ــــــــ مات بابي يرتجيه .. وما طــرق ..
وأن عطاني هـ/ الزمن لحظه مكان
ــــــــ كم .. (أماكن داخل عيوني سرق ..؟)

..

بـــوح ..



دعيت الصمت فعيون المكان و غابت النيّه !
........... اجل وشلون في عين المكان ( أحبابي أحبابي ) !

تغافلت الحديث اللي سكب نفسه على بنيّه !
........... وجيتك اشرح الدمعه ... وسبة ضيقة ... ثيابي !

تغانمت الفُرص لكن ! ... مدام الدار منسيه !
........... وش اللي يجبر الغايب ! .. يرجعنّي عن غيابي !

كتبت البارح ابيات ٍ .. على ما قيل .. مرثيّه !
........... ابرثي نفسي الحيّه ! .. بعطر الحب واطيابي

أبكتب كانت اللحظه سراب وكانت أهنيّه !
........... فتاة ٍ تغزل القمره قماش .. وتلبس عتابي ...

فتاة ٍ وصفها يفرق .. عن الشمس وعن الفيّه !
........... فتاة ٍ حلمها أكبر .. من أنها ! ... تقتل أصحابي !

تغار .. ووجهها يفضح .. سوالف روحها الحيّه !
........... وتكذب لنّها تعرف .. صفات الذنب باعصابي

تسولف لي عن الضيقه وتسكت .. بعدّها شويه !
........... وكنها تقول لجروحي ( ترى باقي من أتعابي ) !

تجيب الريح طاريها .. وهي .. ! ما تقدر الجيّه !
........... وأنا أدري من أمانيها تحضن أشواقها ترابي !

يطول البعد وأبياتي ... لها حّزه ! .. وماريّه !
........... ولكن من تباعدنا وهي ما تعتق ... كتابي !

هذيك ان جيت ابوصفها شموخ ٍ ما دنى سيّه !
........... وليا جت داخلي حروفي ! تصير الناس وأقرابي !







لقلوبكم كل الوُد
اتمنى ان ترتقي لسمو ذائقتكم
على الجــــــرح