|
يم الجزاير ياليت ماراح صقار
مرثية الشاعر المتألق / بندر الظفيري للأمير طلآل آل رشيد
[TABLE1="width:95%;background-color:white;"]
يم الجزائر ليت ماراح صقار
ولاتنقل بالجبال اللعينه
لو يعرفه من هو عليه اطلق النار
بدال لا يرميه قبل يدينه
ولو نعرف القاتل خذينا له الثار
نجيب راسه مانجيبه رهينيه
والعذر ياشمر وياشين الاعذار
لو هي صحيحه بعض الاعذار شينه
شمر بني عم الظفير المثل سار
شعور واحد بالنصر والغبينه
يالله ياقلبي مابقى شي ماصار
نبي نهاجر عن دروب المدينة
الارض ضاقت بي وضاقت بي الدار
ونور الشوارع انطفت عقب عينه
قالوا توفى وصحت مغبون منهار
توه شباب وفي بداية سنينه
يوم اعلنت موته وكالات الاخبار
قلوبنا بالحزن صارت حزينه
الحزن خيم فوقنا والفرح طار
وتفجرت فينا بروج السكينه
طلال موته موت فزعات وايثار
ابن رشـــيد وكلنا خابرينه
طلال تحوي سيرته مجد وشعار
حيه ولها بالمقابر دفينه
متسلسل من صلب وافين الاشبار
سيراتهم مثل الكنوز الثمينه
بالطيب تحتاج لصغيرين وكبار
اللي بشدات الزمن تستعينه
للناس معروفه مثل مي الامطار
لأهل القلوب اللينه والمتينه
ان جاء له اللي يشتكي ضيم واقدار
يعامله كنه حدا والدينه
في كل ديره له مشاريع واعمار
تشهد على فعله ومدت يمينه
وفي كل ديره له محبين وانصار
والكل منهم يكرمه مايهينه
رجل لمحبينه من الناس الاخيار
من طيب فعله ياكثر معجبينه
بأرض الخطر يقنص ولاهاب الاخطار
كم هافي ممشاه تسمع حنينه
ياما عطوه من النصايح والاشوار
وشجاعته ماطاوعت ناصحينه
يقول بأيد الله ميعاد الاعمار
والشخص يلقى اللي كتب في جبينه
يم الجزاير ليت ماراح صقار
ولاتنقل بالجبال اللعينه
لو يعرفه من هو عليه اطلق النار
بدال لايرميه قبل يدينه ..!
عصابة مابين ضلعان واشجار
لاهي بمعروفه ولاهي مبينه
ولو نعرف القاتل خذينا له الثار
نجيب راسه مانجيبه رهينه
والعذر ياشمر وياشين الاعذار
لو هي صحيحه بعض الاعذار شينه
شمر بني عم الظفير المثل سار
شعور واحد بالنصر والغبينه
| [/TABLE1] صح لسان الشاعر :: بندر الظفيري
والله يرحم الشاعر الأمير طلآل آل رشيد
:::::::
|
العضو الأكثر نشاطاً هذا اليوم 
العرض الشجري
