بي صفات من الدلال من الطفولة وعنجهيه
بي من الإحساس والإخلاص وطبعي مختلف
بي سجايا بي مزايا و لا تقول الزود فيا
ايه ازيد عن الصبايا والصبايا تختلف
ريحتي طيب وخزامى قول وأفعال نقيه
شم ريحة فرحتي لا قلت لك ماانجرف
ماني اللي تلعب أدوار الهوى والعاطفيه
لا تثقلها على قلبي وريحني وخف
كل حرف من كلامك يزرع أشواك خفيه
كيف استر هالمشاعر لو بحبك تستخف
الشموخ اللي بطبعي يرفض إحساس الضحيه
والطبع يغلب تطبع خافقي لو انحرف
النوايا البيض تمشي دوم بدروب سويه
وانت دربك ملتوي دايم تدور وبه تلف
يا طويل البال أنا صعبة منال ونرجسيه
ما أصدق هرج كاذب ولو على قوله حلف
لو تجي كلك تبقى شر من شر البليه
باتعوذ من شياطينك وعنك انصرف
لو جبل راسي أنا كلي على بعضي قويه
لا تمثل دورك المكشوف ودور المحترف
كم على مثلي لعبت وطاحت أسوار القضيه
والقتيله في المشاعر سايحه ولا احدن عرف
ما اتبع إغوائك وما اتبع هوى نفساً شقيه
العضو الأكثر نشاطاً هذا اليوم 
العرض الشجري
