قصيدة يا نجم المعروفه ايضاً بـ يا قصر للشاعر الحائلي منصور بن سعدي الرمالي الشمري
تبدأ القصيده بأبيات عن الامير عبدالعزيز المتعب الرشيد رحمه الله ( ابو متعب )
أمير حائل السادس 1906- 1897
وتنتهي بأبيات عن قصر برزان
قصر الحكم الوطني في حائل 1921-1780
الشاعر منصور بن سعدي الرمالي الشمري - قتل عام 1991
في حادث مروري يعتقد انه مدبر !!
القصيده فيديو :
وهذه القصيدة كامله لمن احب قرائتها :
يا نجم يا اللي غبت من غبت ما بنت
وش حال بين ايام مجدك وبينك
الشمس تطلع واسأل الصبح وين انت
وتغيب شمسي واسأل الليل وينك
وين انت انا منهان .. منهان لا هنت
منهان من شخصٍ عجز لا يهينك
ارجع متى ترجع ؟ انا انهنت واسجنت
واللي سجني كان قبلي سجينك
ارجع ورجع مجد ماضي كما كنت
ورجع من المديون للناس دينك
يا قاسي في وجه الاضداد ما لنت
ومن صاحبك ينعم بلطفك ولينك
حتى على خصمك من احسناك احسنت
ويا ما عطت من كل غالي يمينك
بالسيف في شبه الجزيره تسلطنت
اخضعت اهلها واملكنه يمينك
مثلك ولد والله فلا جابته بنت
لا شك عين يمهلنك سنينك
اقولها وينك ؟ وانا ادل وين انت
لا شك من زود القهر قلت وينك
يا قصر يا اللي بدلوا طينك اسمنت
احذر تخون وتنكر اصحاب طينك
الله يخونك كان لأهل الوفا خنت
و اوفيت للي بالخفا خاينينك
يا قصر لا تسكن وان انهنت واسكنت
اخفس قهر واخفس معك ساكنينك
يا قصر مهما زينوا فيك ما زنت
زينك رحل وان عاد لك عاد لك زينك
اطلاعكم للقصيده و التمعن فيها كفايه لفهم اغراض القصيده
العضو الأكثر نشاطاً هذا اليوم 
العرض الشجري
