تصب الحزن

مدخل




يا حالمه ! رمّد جمر بوح الأمال
وَأنتي لْـ برد الصمتْ مني سَريتي


للدمعه اللي غصنها بالبُكاء مال
حتى / أنكسر جذع العيون وْبكيتي


قلبٍ تلحّف صبر حلمه / ولازال
يــعتق لك أسراب الفرح لاَشقيتي



عمق



ياخي مصيبه اذا بالحال ما تدري
و رسالة الشوق توٌ ارسالها جاري



عوّدت عيني معانق جفنك الخدري
و أقفيت كنٌك تصب الحزن بأغواري



كم شفت صورة ملامح وجهك البدري
و كم مر صوتك على قلبي و هو ساري




أموت و احيا و لا لي ثار
( من يدري )
يمكن يجي يوم و أحيا و أخذ بثاري



يا نجم ياللي تقول الناس من حدري
يا صفقة الطيب عند البايع الشاري



يا مبدع بطعنتي يا ذوق في غدري
لله درّي و درّ الصدق بأشعاري



عرفت قدرك
و لاني جاهل بقدري
مشكور جداً على تقصير مشواري



جرحت قلبي على فرقاك من بدري
لا عاد تنشد و لا تسأل عن أخباري



بالأمس سولفت عن حبك و انا مدري
و اليوم سولفت عن جرحك و انا داري



مغير أهذري و افضفض شي في صدري
و أطفي النور .. في قلبي و في داري



بيديك جمعي و بيدين العرب هدري
و القلب بيتي و ضلعك صاير اجداري



وانا و قلبي اذا مريت ما ندري
و ان جابك الليل قلنا له وش الطاري




مخرج




ماني بخيل المحبّة.. لكن احبابي
خلوا لي الحلم لين الصبح صحاني


صبح ٍ خَنق فرحتي.. واستهون غيابي
واهدى الضياع لدروبي واشعل اشجاني


واليوم مابي مساي يمرّ من بابي
آخاف انام ويجون بـ حلم من ثاني



لاأرواحكم العذبه

الموضوع الأصلي: تصب الحزن || الكاتب: براق || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات