(( غنــــــــاة النفـــــــس ))

:::

:::

اشوف العافيه مـا هيـب خفـه
ولا هي كومة علاج (ن) تسفـه

اذا الله رازقـك بالستـر دايــم
ورازقـك القناعـه والمعـفـه

تـراك بعافيـه ميـر احمـد الله
وعهدك مع ولي العـرش وفـه

لو ان كفـوف هالعالـم بكفـك
يميـن الله ماهـي مثـل كـفـه

هو اللي يعلـم اسـرار الليالـي
يورث صفة(ن)من عقب صفـه

وهو اللي يعلم اسـرار الخفايـا
يمـد الـك البخـت والا يكفـه

وهو اللـي لا بقـى الا لوجهـه
اسالـه واستغيـثـه واستعـفـه

اسالـه يغفـر لعثـرة لسـانـي
ليـا خليـت هاجوسـي وشفـه

وانا اللي شعري اسمى ما ملكته
وترجـح كفيـه بأيـات كـفـه

اقفـي عنـه واشوفـه اقبالـي
وادقـق بالطبيعـه واستشـفـه

خذيته مهتـوي وابـرا الـى الله
ما ادور من ورى ما اقول دفـه

غنـاة النفـس لا يعلـى عليهـا
لو ان المـال لـه هفـه ونفـه

وفعـل الرجـل ينبيـك بمكانـه
سوى انـه داهيـه والا مخفـه

لو انها بالمظاهر شفت رجل(ن)
يعـرف يسبـل البشـت ويلفـه

وهو ما ينغزا به فـي المواقـف
على بقعـاء ليـا عالـت مرفـه

ولو هي بالمظاهر شفت رجل(ن)
عليه شماغ عقـل وثـوب دفـه

وهـو نمـر مضاريبـه عطيبـه
توقع جمرتـه فـي كبـد حفـه

وانا ادري الحظ له لعبه كبيـره
يلـف بوقتـنـا لـفـه ولـفـه

اذا الحظ ابتسم لك طـاب فالـك
تبيـن بسمتـه فـي كـل شفـه

وتقـدرك القرايـب والبعـايـد
وتبقى كتاب دين(ن) فـوق رفـه

واذا حظك تـردى عزتـي لـك
ياجذك اللوم من ضفـه لضفـه

وتكرهـك القرايـب والبعـايـد
وتبقـى بعيـن طارفهـم مسفـه

ومن يسعى لفعل الطيـب دايـم
ياخذه الطيـب ويضمـه لصفـه

وماهو حكـر لفـلان الفلانـي
ولا ياطى علـى العالـم بخفـه

مـن يـدور عليـه يـدل بابـه
لا شاف شروطـه يقـدم ملفـه

ومن ضيـع طريقـه دل غيـره
هبيل(ن) كـل مـن مـره يقفـه

وختام الهـرج ذكـر الله تعالـى
تكفـي دفتـه عـن كـل دفـه

اسالـه يغفـر لزلـة لسـانـي
اذا خليـت هاجوسـي وشـفـه ..
للشاعر:
عوض بن شفلوت المنــاديه


:::

وردة العين

الموضوع الأصلي: (( غنــــــــاة النفـــــــس )) || الكاتب: وردة العين || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

اذا الله رازقـك بالستـر دايــم
ورازقـك القناعـه والمعـفـه

تـراك بعافيـه ميـر احمـد الله
وعهدك مع ولي العـرش وفـه

--------

صح لسان ناقلها وشاعرها

اقتباس واذا حظك تـردى عزتـي لـك ياجذك اللوم من ضفـه لضفـه وتكرهـك القرايـب والبعـايـد وتبقـى بعيـن طارفهـم مسفـه

يسلم لسان قايلها..
ويسلم يمينك روعتنا وردتنا الغاليه
الله يعطيك الف عافيه يارب..

تقبلي مروري..
بقايا حلم..

و الله روعه ان من الشعر لحكمه صح لسان الشاعر وصحت يمين الناقل وردتنا الغاليه

الف شكر للجميع على هالمرور الطيب
لاعدمت انا هالتواجد الرائع

وردتنا

صح الله لسااااانك ولسان شاعرهااااااااااااااااا

سلمتي لنا وسلم بنانك على الذوق والاحساس


الله يسلم قلبك ويعطيك العافيه


لك مني اسمى التحاياااااااااااااااااااا


دمتي بود

سرحان

وردة العين
صح لسانك ولسان شاعرها
تسلم ايدك على نقلك الذوق
يعطيك الف عافيه
سهر

سرحان

سهر


يسلملي هالمرور الطيب
لاعدمت انا هالطله