ياشين الشهره شيناه … المهم كنت جاي للرياض وانا بصراحه من مبطي مادخلت الرياض … وما كنت اعرف ان هالعالم بيعرفوني على طول …. كنت راكب انا وخويي 00ال ساري .وكان ورى وطول الطريق وهو يلعب بشعري الكستنائي …. مسيكين ما الومه شعره عراده … وكانت امنيته انه يلعب بشعر ناعم وحققتها له مالي الا الاجر … ويوم وصلنا الرياض طيروا هالعالم عيونهم فيني .. كنهم مازيد شافو واحد حلو… ونسيت اعلمكم ان عيارتي الحلو …. وعيارتي الي انا ازعل منها مره هي الحوري … واهلي الين بغوني اجيب لهم شي يدلعوني ويسموني ابو تكر … لا يروح مخكم بعيد تكر هذا اسم جدي(على باله رقعها)
وكنت جاي مع طريق الملك فهد … وهالعالم وراي …. وكلما سقطت على واحد طير عيونه فيني ثم حط رجله الين يسقط علي … ثم التفت علي وسلم وابتسم … وخذت الخدمه علشان افتك من ها الخلق الي وراي …
ياشين الشهره شيناه ماتخليك يالواحد تاخذ راحتك … ما اقول الا ياحظ الناس العاديين يطلعون ويتسوقون ويشترون على كيفهم …
يوم وقفت عند اول اشاره … الين جنبي جمس مليان بني … قامو يناظروني … يوم شفتهم مطيرين عيونهم فيني … قلت ياولد لز فيهم يمكن ترمي وحدة منهم رقمها والا منديلها والا تنورتها …. يوم لزيت فيهم فتحوا الدرايش وقالت وحده منهم قلة أدب … قلت مادامها قالت لي قلة ادب فهم اكيد عارفيني و اكيد هذولي من الي زعلانين علي ايام مواضيع الركب والحش في البني … ضعيف احزبهم عارفيني ... ثم قالت الثانيه انت اصلا خكري والا فيه رجال يلبس شباصه ..... يوم لمست راسي عرفت السالفه ….و التفت .لساري اللعاب وهو متمدد على المرتبه من الضحك …. وكل ذا وانا احزب هالخلق عارفيني… ( ترفق .يا ساري )
الزبده
ــــــــ
من السهل لفت انتباه الاخرين ولكن من الصعب كسبهم احترامهم واستمالة قلوبهم ….
العضو الأكثر نشاطاً هذا اليوم 
العرض الشجري
