[poem=font="simplified arabic,4,black,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
كل شبر بهالوسيعة ملك ربي تعلمين=وأعلم إن اللي خلقني هو خلق لك هالعيون
لكن انتي من جلستي وانتي فيني تحدقين=كن ما به ناس غيري بهالكراسي يجلسون
لو سمحتي عاد أسمعي وحتى لو ما تسمحين=المهم اللي بقوله تسمعينه ويسمعون
ع الأقل ليا نظرتك سوي روحك تستحين=غضي طرفك مثل غيرك خوف ربعي يلمحون
الركادة عاد زينة والحياء فـي البنت زين=وفيك جآزم لا ركادة ولا حياءٍ يـذكرون
تعرفيني ؟ أعرفك ؟ ما أذكر إنـّا ملتقين=لا أعرفك من تكوني و لاتعرفي من أكون
وإطمأني إن كان قصدك بس فيني تشبهين=ماهو أنا إللي تعرفي والبشر يتشابهون
مادريتي من التشابه يخلق الله أربعين=وأعرف أربع يشبهنّك بس والله يستحون
وإن كان قصدك شي ثاني عاد قولي وش تبين؟=خايف إنـّا نصير فرجة وإللي ماشتروا يتفرجون
وإذا ببالك عاجبتني لا يحوشك تحلمين=صح ربعي من جمالك فيك صاروا يمدحون
بس وش لي في حلاتك دام فيها ترخصين=حشمة البنت وحياها والكرامة يلفتون
ولو توفر فيك هذا مع حلاتك تبشرين=ماهو أنا .. ألف غيري بـاب بيتك يطرقون
وش علامك رغم كل اللي أقوله وتسكتين=مو طبيعي هالسكوت وهالبرود وهالسكون
إنتـي خرسـا أسألـك والا منتي تسمعيـن؟=قالوا ربعي ذي كفيفة قلت لا لا تمزحون
لين شفتك يوم رحتي يمسكونك باليدين=ما دريت إلا عيوني أربع أربع يذرفون
آه ياني منه مشهـد يـوم شفتـك ترحليـن=جيت اشوف عيون ربعي لقيت الكل يدمعون
يالكفيفة يالعفيفـة إن قلت آسف تقبلين ؟=يغفر الله ذنوب عبده ليا خطا وهل تغفرون ؟
[/poem]
العضو الأكثر نشاطاً هذا اليوم 
العرض الشجري
