قصيده للشاعر طلال العبدالعزيز الرشيد ..عن الخيل ...

((( قالوا إنك عشقت الخيل .. والخيل خود )))





هذه قصيده للشاعر طلال العبدالعزيز الرشيد ..

يقول الشاعر :

لم أكن أعتقد في حبر من الأحبار أنني سأكتب
قصيدة عن الخيل ..
لأنني وبكل بساطة كنت ولازلت أرى ..
أن وصفها في القرآن الكريم هو أسمى وأجلّ وصف لها ..
ولأن في تمختر العاديات مايستثير المشاعر
فقد سوّل لي الجمال أن أصف الشعر بالخيل ..
والخيل بالشعر
معتقداً أنني بلّغت .. وأنا في الحقيقة محتاج لأن أبلّغ.
هذه القصيدة للخيل والهيل و عاشقها أحمد بن سلمان ..



الولع شين .. ياراع الولع لاتكود
روحك اللّي تقود المجد 000ويقودها


ماتخيّرت .. حب الخيل .. ورث الجدود
حيّ ورثٍ يرد النفس000 لجدودهـا




ماتقل قلبك العليا عليها ورود
وماتقل عقبك البيضى على حدودها





قالوا إنك عشقت الخيل والخيل خود
عشقها يستبيح الروح 000ويكودهـا


مهرتك في تعجرفها تحدى الحسود
لوله ألفين عين ٍ ماحوى000 زودهـا




لو يفرّق حـــلاها للغواني 000 يزود
يرهي الما .. على كل الدلي جودهـا



فلوة الشمس ترفه .. وين عنها الصدود
حي ماها ومجناها .. ومولودهــا





سرجها الريح ويديها سراديب نود
ونار قرم معارفها من000 وقودهـا




وخصرها للغواني مثل خصر العنود
وجيدها جيد جادل .. ليّن عودهـا





سيندريلا العوادي .. مالها بالوجود
كفو .. إلا أنت سيدها ومحسودهـا


كنها من غلاها بالمحاني ترود
تصطفق ضلوعٍ .. تبرق رعودهـا




كن عينك لها سِيدَه .. ورموشك حشود
لا انثنت شفت قلبك زمّ 000بعضودهـا



منوة اللّي يبي طرد السهل والنفود
فارس ٍ تحتميه الناس ويذودهـــا




ركضها .. واذكر الله .. ركض ((( ريم ٍ ))) شرود
مخطر ٍ من حوافرها .. على خدودهــا




كنها تدري إنك في هواها ورود
فلوةٍ تقل طفله .. حلو جحودهــا



اذكر الله عليها عن عيون الحسود
من حدود البياض .. لمنتهى سودهـا

.................................................. ..................

الموضوع الأصلي: قصيده للشاعر طلال العبدالعزيز الرشيد ..عن الخيل ... || الكاتب: فاقد طلال || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات