الشمري عيبه وعيبه وعيبه

12-19-2006, 12:44 PM

الشاعر العذب [
والرائع:

محمد بن ساقان القحطاني

[ALIGN=CENTER][TABLE="width:70%;"][CELL="filter:;"][ALIGN=center]من يم نجد وشرق مكه وطيبه
لين الديار اللي جنوب القريات

جيت بخفوقي شوق ماينحكي به
اكبر من حروف الشعر والكتابات

شوق ِ مهو شوق الحبيب لحبيبه
شوق الطنايا للكرم والجمالات

ولو قالوا ان الدار ماهي قريبه
بقول : يعني ماتهون المسافات

ماهم بربعي بالليالي الصعيبه
أجل وربي ماحسبت المشقات

(شمر)ليا صك الصليب بصليبه
إهجد ياجن وإنس لأهل الطويلات

يرضخ لهم هالطيب حشمه وهيبه
ويرفع لهم بالعز بيرق ورايات

ومن مرهم طرقي بيآخذ ضريبه
فنجال ٍ أشدى من خضاب الخوندات

والموقده تشهد براس الرقيبه
ومن طيبهم ماينزلون الطمانات

)الشمري) من طيب راسه وطيبه
به ميزة ٍ عدّت حدود المروات

لاثارت الفزعات .. لاتنتخي به
لأنه يثور من الطنا دون فزعات

الله خلقهم للمصيبه مصيبه
وللنار نار وللمعالي ريادات

وللموت موت ولللهيبه لهيبه
وللطيب طيب وللمراجل سيادات

لكن بهم حاجه ولاهي غريبه
يمكن يخون إبها الشعر والعبارات

إليا بطشوا خلو المضارب عطيبه
وإليا عطوا مامدوا إلا الجزيلات

ما ارفع مكانتهم بشعر ٍ اجيبه
هم يرفعون حروف شعري مقامات

وآخر ما اقول بهالشعر وانتهي به
بحطها بقوسين وأربع علامات !!!!

الشمري! عيبه! وعيبه! وعيبه!
إليا ارتكى للحمل شال الثقيلات[/ALIGN][/CELL][/TABLE][/ALIGN]
/الشاعر العذب والرائع :

محمد بن ساقان القحطاني

الموضوع الأصلي: الشمري عيبه وعيبه وعيبه || الكاتب: FARHAN || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

12-19-2006, 01:04 PM

صح لسان الشاعر
محمد بن ساقان القحطاني

واشكرك على نقلك عساك تسلم

12-19-2006, 01:56 PM

)الشمري) من طيب راسه وطيبه
به ميزة ٍ عدّت حدود المروات

لاثارت الفزعات .. لاتنتخي به
لأنه يثور من الطنا دون فزعات

هلا فرحان
صح لسانك ولسان الشاعر وأطال الله في عمركما

أشكرك وأتمنى لك التوفيق

12-19-2006, 02:06 PM

صح لسان الشاعر محمد بن ساقان القحطاني
ومشكوووووور FARHAN على نقل القصيده

تحياتي لك

حمامة السلام

12-19-2006, 04:30 PM

Farhan
صح لسانك ولسان شاعرها
كل الشكر لاختيارك الرائع
سهر

12-20-2006, 04:25 AM

FARHAN

هلا وغلا

اخووووي

الله الله الله

الله الله

حق الله انها جزله وصح الله لسان الشاعر ابن ساقان

ولسااااااااااااانك

وعز الله انه شاعر يستاهل المليووووون

الله يعطيك العافيه اخوووي ولاهنت

لك مني الغلا

سرحان

12-20-2006, 07:47 AM

ياشيخ فديت والله راسك يالقحطاني
افضل قصيده سمعته وربـــــي

وتستااااهل المليوون بشعرك ياقررررررم

لاهنت اخووي على القصيده
وصح لسانك ولسان شاعرهااااااا

12-20-2006, 05:46 PM

Farhanصح لسانك ولسان شاعرها
الله يسعد قلبك ولايحرمنا جديدك..

تقبل مروري..
بقايا حلم..

12-20-2006, 05:54 PM

صح لسان الشاعر
محمد بن ساقان القحطاني
الله يعافيك على الاختيار

12-20-2006, 05:55 PM

صح لسانك ترليون

وسلم القحطاني عز الله انه وفى وكفى

الشمري! عيبه! وعيبه! وعيبه!
إليا ارتكى للحمل شال الثقيلات

وحاب اضيف ابيات لشاعر رشيد بن نهير العمودي الشمري

شمر ليا شان اللغـى والدخـن ثـاع ..$.. روس الحـرار تعدهـا وتهبـدهـا

شمر ودايع نجد شمـر هـل البـاع ..$.. شمر هل النامـوس شمـر وحدهـا

شمر هـل الـردات ياخليـف بتـاع ..$.. شمر حمول الخيـل شمـر سندهـا

شمر ليا قالوا زعيم العـرب ضـاع ..$.. كـل الدلايـل تاخـذه مـن ولدهـا

شمر هل الجولات يا صكـت القـاع ..$.. شمر تعـدل المايلـه مـن سعدهـا

شمر طعونه تقصف العمر ووسـاع ..$.. يا جـردت بسيوفهـا مـن غمدهـا

شمر على دور النبي ذكرهـم شـاع ..$.. صالوا وجالوا واحتموا عـن بلدهـا

شمر ليا صكوا على القـوم مطـلاع ..$..كم من زعيـمٍ سابقـه مـن لكدهـا

شمر زهـو زهيـد للمـوت قطـاع ..$.. شمر تمس مـن العـوارف عقدهـا

شمر تقود القوم مع كـل الأوسـاع ..$.. شمـر تشـب بنارهـا مـن وقدهـا

شمر زحازيح الجبـل مابـه اسـاع ..$.. شمر هل الجـولات يثبـت عددهـا

شمر خلف عقبان وصقـور وسبـاع ..$..شمـر تدلـه بالمـعـادي كـردهـا

شمـر طنايـا طرفـة العمـر بيـاع ..$.. شمـر تخـز عقابهـا مـن لبدهـا

شمر ليا دكت علـى القـوم تنـزاع ..$.. شمـر سلايـل لابـةٍ مـا بعـدهـا

شمر تعلـت يـوم شالـع وشـلاع ..$.. شمـر تبـث زروعهـا وتحصدهـا

شمر ليا هـاز الوطـن كـل طمـاع ..$.. شمـر رواق البيـت شمـر عمدهـا

شمر هل الفزعـة مغاويـر الإبـداع ..$..شمر بهـا التاريـخ قـال وحمدهـا

شمر ليا منـه غـدا السيـف لمـاع ..$..والرمـح والشلفـاء تـدور بجندهـا

12-20-2006, 08:38 PM

هلا فرحان
صح لسانك ولسان الشاعر

12-20-2006, 11:15 PM

Farhan
صح لسانك ولسان شاعرها الرائع القحطاني
واخترت ووفقت بالاختيار

12-20-2006, 11:30 PM

نقل رائع وشاعر اروع
دمت بكل خير
اخونا فرحان

12-21-2006, 05:19 PM

FARHAN

صح الله لسانك و لسان
الشاعر محمد بن ساقان القحطاني
وربي يعطيك العافيه على هالنقل الرائع

وردة العين