اكتب من المكنون دمعات الاحزان

اكتب من المكنون دمعات الاحزان = دمعة محبه كان من هو جهلها
الضيق فتح بالشقا كل بيبان = واقلط على تمرت حزين ٍ حملها
ما جيت شاكي منك لو كنت عطشان = وما قلت لحد ٍ وش بقى ما عملها
تبقى جروحي داخل القلب تنصان = ما تنكشف بين الحنايا هملها
يا بهجت العمر الفسيحي والألحان = اسمع كلامي والصدى ينتقلها
صوت ٍ تقطّع بين صكّات الأزمان = يبطي ونينه لين يبرا جملها
شالت على متنه مناويح خلّان = تقول ما عاد المراسل وصلها
أذكر زماني والزمن يوم خوّان = ويوم ٍ عسى تاقف عقارب نفلها
خطيت حلم ٍ بالشواطي والأركان = وأمواج شاطيّه تبدّد نسلها
حبر القلم يبكي تناهيد واشجان = واعذوق الأشجار المتينه دبلها
طارت حمامة قصّتي فوق الأغصان = ودمعة عيونه بالمصاعب نقلها
عزّي لمن يعشق حبيب ٍ بالأعيان = ما غير مرسال الحسايف حملها
سبّة تقاليد العرب بالوفا خان = لك بنت عمّك والخوال انتشلها
وحنا لنا دمعه كما سيل هتّان = وصوت ٍ ينوح بْداخل القلب يلها
سكّرت دون احلوقهم كمّ بيبان = وشلت الحبايب بالحنايا واهلها
متى على الله ينضبط شكل الألوان = بين البساتين العليله عسلها

وسلامتكم أخوكم / طلال الشمري ..
تعليقاتكم ونقدكم شرف لي ..

ما جيت شاكي منك لو كنت عطشان

وما قلـت لحـد ٍ وش بقـى مـا عملهـا

تبقى جروحـي داخـل القلـب تنصـان

مــا تنكـشـف بـيـن الحـنـايـا همـلـهـا

طلال الشمري
الله الله


ونعم والله ,,,,كفو

صح فكرك ومنطوقك

وانت راعيها
نص رائع بكل ماتعني الكمله
دمت ولاهنت

أذكــر زمـانـي والـزمـن يــوم خـــوّان

ويـوم ٍ عسـى تاقـف عقـارب نفلـهـا

كفو والله كفو طلال
ابيات بقمة الروووووووعه يا مبدع يا متألق

صح لسااااانك وطااااااب فاااااالك
جميل ماااااخطته اناملك
تقديري واحترامي لك

صح لسانك على المنضومه العذبه

مشكور اخوي

حروفَ منَ ذهبَ ..
وأبيآتَ نقشتَ من آحآسيسَ
روحهآ صآئبهَ
سلم الحس والنبض

:
:

صح لسانك وطال عمرك اخي
جميل ما نثرته هنا
لا تحرمنا من ابداعاتك
دمت بخير مودتي واحترامي


:
:

مبدع وربي
وشهادتى فيك مجروحه
تجيد العزف بلحن منفرد
صح لسانك
وعلا شانك
ولاهنت

تقديري واحترامي

خطيـت حلـم ٍ بالشواطـي والأركـان
وأمـــواج شـاطـيّــه تــبــدّد نـسـلـهـا
حبـر القلـم يبـكـي تناهـيـد واشـجـان
واعــذوق الأشـجـار المتيـنـه دبـلـهـا


قصيده رآآآئعه بحق
ولوحه شعريه مكتمله من البدايه الى النهايه
متسلسله ومترابطه احساس ومشاعر
عشنا كامل فصولها
اتقنت فأمتعت وابدعت
لله درك شآعرنآ
وطآبت أيآمك بالفرح دوماً ,,

عسى الله لا يهينكم
وصحت ابدانكم جميع ..
كلّ ٍ بإسمه عسى الله لا يهينكم
ومروركم يشرفني قبل ما يشرف ما طرح


تحياتي للجميع ...

طلال
صح منطوقك وبوحك واحاسيسك أبداع
لاهنت
وكل عام وانت بخير يالغالي

,


قصيده رائعه من أول حرف إلي نهاية آخر حرف
صح لسانك مدد بلا عدد
وفالك الجنه