أفتش وجيه

تبي ترحل ؟!
أحسّك / يد ما تقوى على تلويحة التوديع !
حراااااام تضيع .. و تضيّع بـ صدرك :
أمنيات و حلم ..

تبي ترحل ؟!
تفضّل روح ..
و خلّ اللي هقى بك : عمر ..
بعدك (إ)من الجفا : مجروح ،
و لكن قبل ما ترحل !!
بقى عندي :
سؤالين و حكي فاضي :
أنا بـ ألملم أغراضي ،
و إنت إقرأ الكلام و :
رووووووووح

ليه تصغر ؟!
في صدور : الأمنيات !
و ليه تكبر ؟!
في عيون : الأسئله !
يا .. (إ)متكبّر
كل حلمٍ كان بك أخضر / تصفّر ..
لا تأثر
الزمان مبطي كساه اللون الأغبر ..

شوفني كيف أتبعثّر
في طريق اللا رحيل
حلمي الوردي تنثّر
لملمه لو فيك حيل

و اتشجّر :
غصن أصفر /
يشبه لـ وجهي و أنا ( أنتظرك ) كثير
شاحب لـ حدّ الذبول اللي يسولف عن :
مماته بالأخير ..
و غصن أخضر /
ما طواه اليأس / يرسم يرسم للأمل :
إحساس عصفور و يطير ..

و أنادي لك :
و أجيك (إ)من البطا مشتاق
و عيوني جيش من أشواق
و أرتّل للحنين : إصبر
هنا : موعد
هنا : نشطب طواري فراق
هنا : نكتب ( حكي عشاق )
و مثل كل مره يا يا : مدري !
تكون اللي نساني في /
يدين الآه و أعطاني :
( مع دموعي وفا و عناق ) !
و أرتّل للحنين : إصبر
هنا : موعد
و مثل كل مره يا يا : مدري !
تخون الوعد !
و أصير لـ وحدي الوافي
و مع : خيبة حنين / أقعد ..



عمق



رحّ قل للأحباب ياللي شلت مرسولي
إني إلى الحين مع ذكراي أشهقهم


ياليت كل اللي يبيهم خاطري حولي
عشان لآ إحتجتهم.. أقدر أعانقهم


بعيد و أسمعهم بـ شوق(ن) يغنوا لي
أرهقني البعد عن داري .. و أرهقهم


أفتش وجيه .. هم ذولي ؟ ما هم ذولي !
في غربتي .. نفسي ألقاهم و أسرقهم


لا أحدن يلوّم علي إن طحت من طولي
فاقد حبايب .. وفاقد ناس أعشقهم !


هذا إشتياقي .. وذا حزني .. وذا قولي
أشتاقهم حيييل .. و أولهْم .. و أشفقهم


يا ضيقة الصدر بوحي عني .. و قولي :
لو هي بكيفي و لا لحظه [ أفارقهم ] !

الموضوع الأصلي: أفتش وجيه || الكاتب: براق || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

ياسلام عليك
يا الغالى
ابدعت وربي بانتقائك
صح لسانك ملايين
ولاهنت
تقديري واحترامي

قصيده ماطره بحروف من ذهب
شكرا برق

الله الله عليك يا ذوق

برقنا البراق

انتقى جميل ورائع وراق لي

انت رائع يا مميز


تحيتي ...

سلمت وسلم لنا نبضك الندي
والله يعطيك العآفيه ع الانتقاء المميز
بإنتظآرجديدك بكل شوق..
ودي وشذى الورد

:
:

صح لسان شاعرها وسلمت ايادي ناقلها
دائما ماتبهرنا بـ إطروحاتك الفريدة
دمت بخير

:
:

يامحلا حروفك ياأسطورة بعد حيي
نقتبس الذائقه العجيبه الجميله من سموك يا انيق

نص رآآئع رآق لي حيل
دوم مبدع بـ آنتقآءك وحضورك الفاتن
النرجس لــ روحك وأحسآسك ,,

انتقاء جميل بجمآل حروفك شاعرنا
يسلم قلبك وذائقتك العذبه يّ أنيق
ربي يسعدك ولا يحرمنا روعتك خيو ،

صح بدنك الغالي عقاب
لاعدمناك والله يرعاك يالغالي

هلابك اخوي ثنيان
منور بتواجدك الله يرعاك ولاعدمناك

هلابك الغالي بندر
منور بتواجدك الله يرعاك ولاعدمناك

أختي الهمس
منوره بتواجدك الله يرعاك ولاعدمناك

اختي الكحيله منوره بتواجدك الله يرعاك ولاعدمناك

اختي العنود
منوره بتواجدك الله يرعاك ولاعدمناك