,,, هزيت غصن شجره ,,,

09-30-2009, 09:19 AM

مع التحيه والتقدير اقدم لكم هذه الابيات اتمني ان تعجبكم

ماغاص بطن البحر واحد يهاب الغرق=اكيد ما حرّك الدره ولا جابها
روح الرضا لو نزف فوق الجبين العرق=يبقى الرضا مثل عشق العين لهدابها
زيجات الانفس تحب البرق لامن برق=غيث المشاعر فرح والحزن ينتابها
وانا مشيت الطريق وجيت با المفترق=اما اترك العاليه والا اتعلابها
البدر يجلا سواد الليل لا من شرق=لا داعب الحالكه ينزاح جلبابها
الورد لابان لعيون الهواوي سرق=والشوك لاناش رجل المهتوي صابها
وانا على طرقتي دق الخيال وطرق=واللي تفوق الخيال اموت واحيابها
هزيت غصن شجره واهتز كل الورق=طيّرت كل الطيور وطارت اسرابها
ماهمني من جحد ماهمني من درق=لن اعوجاجات سفن البيد بارقابها
انا ادري ان احتراق الحس يترك حرق=واحد.ثلاثين واحد,يحرق اعصابها
بعض الاسامي تشابه والله اللي فرق=والمهمله ما تفيد اللي تسمّابها
ما غاص بطن البحر واحد يهاب الغرق=اكيد ما حرك الدره ولا جابها

معرض الوسام · 09-30-2009, 09:44 AM

صح لسانك يالغالي ربي يسعدك دووووم

معرض الوسام · 09-30-2009, 11:23 AM

عزالله ابدعت شاعرنا مرزوق
جزله من جزل
يسلم قلبك ونبضك ..

09-30-2009, 11:30 AM

الورد لابان لعيـون الهـواوي سـرق
والشوك لاناش رجل المهتوي صابهـا
وانا على طرقتي دق الخيـال وطـرق
واللي تفوق الخيال امـوت واحيابهـا

يا ااالله
لله درك يامرزوق الرمالي
وقسم انها رائعه بروعتك
ماشالله تبارك
يطول عمرك على القصيده الطيبه

معرض الوسام · 09-30-2009, 12:44 PM

بعض الاسامي تشابه والله اللي فـرق
والمهمله مـا تفيـد اللـي تسمّابهـا
ما غاص بطن البحر واحد يهاب الغرق
اكيـد مـا حـرك الـدره ولا جابهـا

صــح لســـــــــــأإأنــكـ أإخــوووي مرزوق ... يعطيــكـ العـأإأفيــهـ ... كــل الشكــــررر ...