يبه شلونك ،،

يبه شلونك...ملل هالــكــون من دونك ..

يبه شلونك ؟؟وتمضي رحلة الدنيا..

بليا طلة عيونك..؟؟!!

يبه شلونك ؟؟وشلون المرض وياك ؟؟

بعد ماهدك بدنياك..عساها تغمض جفونك ؟؟

تبي تدري عن أحبابك ؟؟عن عيون تغنا بك ؟؟

عن قلوب دفنها الشوق..وإذا جاها الغفا جابك ؟؟

.. يبه أمي تخيلك دوم...تغني لك مع القمرا..

يبه واللي خذاك بيوم....خذا بنيتك بكرا..

خذا.. ويا ما خذ ا.. ويا ما..خذا ناس يحبونك

يبه حنا صرنا كبار..توفقنا وتخرجنا..

يبه ما عاد فيه صغار..يموج بها لزمن كل شي..

وحنا ما تموجنا..على ذاك العهد نسري..

نبيع العمر والدنيا..ولا تخلف بنا ظنونك

يبه شلونك ؟؟تبي تدري عن أخباري ؟؟

عن أفكاري وتذكاري ؟؟


أشيلك داخلي جمره ..وبعيون الحزن عبره..تغرقني .. وتحرقني..

أشوفك نجمة تجبر..مراعيها .. يراعيها..

وأشوفك للرجولة اسم..إذا شد الزمن تقسي

واحلم من معاني الحلم..أحسك مقبل بكرى..وعيا لإيجي بكرى !!

يبه تذكر زمان مر؟؟

يبه تذكر مجالسنا ؟

مقلطنا ومجلسنا ؟

وحارتنا ومسجدنا ؟

يبه تذكر هدايا العيد ؟

صلاة العيد؟ وبشت العيد؟

يبه تذكر سوالفنا ؟

لأجل هذا ..

وكل هذا ..

أقول اليوم يايبــه ..

ملــــــــــــــل هالكون من دونك

يبه وينك ؟؟ .... ولهت لنظره من عينك ....

يبه وينك ؟؟

أشوفه طوّل غيابك !! ... و من ودّاك .... ما جابك !!

قالوا ما يدوم الزين !! ... و أنا عندي أمل للحين ..

و لكني أعرفك وين !!

يبه وينك ؟؟

عسى الداعي يبه بس خير ؟!!

عساك بخير .... مداين تكرم لعينك ...

بس أرجوك علمني ...

علمني .. يبه وينك ؟؟

سألت أمي عن رجوعك ... ولا كني أعرفك وين !!

و قالت .. ما يدوم الزين !! ... و انا .. عندي امل للحين ..

في رجوعك !! .... يبه بس تكفى علمني ....

متى رجوعك ؟؟ .... يبه بس تكفى علمني .

وش أحلى من طلوع اثنين ؟؟

طلوع الشمس .... و طلوعك

يبه وينك ؟؟

سألت أمي ...... غيابك طال ؟؟

ولا كنّي أعرفك وين !!

و قالت مثل ما قالت .. حسافه ...

ما يدوم الزين ... مع كل هذا صدقني .. أنا عندي أمل للحين !!

سؤالي عنك يا لوالد .. صار كما الموال

و أشوفه طال ... والله طال ..

حزين .. بلحنه و حروفه ... يخاف .. يموت من خوفه

و قلب ٍ كان أقوى قلب ... ضعف .. من قسوة ظروفه ..

يبه ..

أرجوك علمني ...

تشوف اللي أنا أشوفه ؟؟

أنا أشوفك نهار و ليل ...

في وسط المجلس تصلي .. و تدعي الرب ييسر لي ..

يبه ..

ما عاد بي من حيل .. وين الحيل ؟؟

و أنا أشوفك نهار و ليل .. مع أني ادري ما ترجع !!

غريبة .. بعدها تدمع .. عيوني من هموم البين

و آدريبه مكانك وين معَ هذا أرد و آسأل؟

يبه .... وينك ؟؟

و لا كني أعرفك وين !! شبكت العشر في غيابك

على راس ٍ كساه الشيب .. و من وداك ... ما جابك ..

و لا ادري وش يخبي الغيب و جرح ٍ عذ ّب أحبابك

يبه ..عيّا يخف و يطيب !!

يبه.. كل جرح في الدنيا .. مصيره بالدوا يلتم ... و لكن البلا من جرح ..

نزف فرقاك بليّا دم و هذا الفرق في جرحي ...

عجز يلقا الدوا دكتور .. أنا جرحي غريب الطور

ينزف بس بليّا دم و زاد الهم فوق الهم

و دام انك يبه غايب ... جروح ألغيبه ما تـلتم

بس عندي أمل للحين !! ... و لا كنّي أعرفك وين !!

يبه .. ذكراك تفرحني ....

في نفس الوقت تجرحني لا من جبت في طاريك

دموعي غصب تفضحني ....

يبه .. تذكر ليالي الصيف ؟؟

عرس الحي .. و رقص السيف ؟؟

و كرم قلبك معَ ها لناس .. كل ٍ كان في بيتك ضيف ..

إلا يا حيف .... إلا يا حيف ..

زمن قاسي .. زمن قاسي ...

اخذ مني بلا رحمه ... اخذ مني اعز ناسي !!

و خلاّ لي سهر ها لليل .. في عيني ضيف .. إلا يا حيف !!

يبه وينك ؟؟

تعال و شوف ...

كبرنا مثل ما تمنيت ... درسنا كل ما حبيت

نصلي مثل ما وصيت .. و ندعيلك في كل ظروف ..

يبه وينك ؟؟

تعال و شوف .. صحيح الدنيا ما ترحم ..

تجرعنا التعب أنواع ... و لكن الأمل ما ضاع ..

و أنا عندي أمل للحين !! ... و لا كني أعرفك وين !!

يبه تذكر شطانـتـنا ؟؟

أنا و أخواني و أخواتي ... معانا عيال حارتنا ..

نلعب في زوايا البيت .. يبه ... والله أنا حنيت ..

لذاك الوقت في وجودك ... إلا يا ريت ... إلا يا ريت ...

ترجع .. يا يبه حنيت ..

حسافه الدنيا ما ترحم ...

خذت منا سعادتنا ... خذتك بعيد .. و خلتنا !!!

يبه أمي تذّكرنا ... بأيامك قبل ما تروح ... تناديها.. يا روح الروح ..

تغازلها و تنظر لك .. مثل طفله ... ملامحها عشق مفضوح ...

في ذاك الوقت .. كنا صغار ...

معَ هذا ... كنا نغار ..

عليها .. أو بعد منها ... كنا نغار

نحبك يا يبه ... ارجع .. مثل شمس الفجر .. اطلع

حزينة الشمس في غيابك .. و نفس الحزن في أحبابك

وأخاف الشمس من حزني ..

تغيب و ما بعد تطلع يبه آرجع إذا لي خاطر فـ قلبك ..

تعال و زورنا بس يوم ... مع انه ما يكفينا نشوفك يوم

نبي حضنك يدفينا .. و نشوفك دوم ..

لكن قلّت ألحيله ... و يمكن مـ البطا ضاعت ..

و قلنا يوم !!

يبه سامحني بترخّص قبل ينشف حبر الأقلام

كلامي بعده ما خلّص ..

و لكن موعد الأحلام .. حان ..

ولازم أوفي له.. بعد ما ضاعت ألحيله .. أشوفك والوعد باكر !!

إذا فكّر يجي باكر ..!! .. و برجع أسألك وينك !!

بس لازم تجاوبني .. ترى عندي أمل للحين و لا كني أعرفك وين

يبه شلونك ؟

ملل هالكون من دونك

يبه شلونك ؟

وتمضي رحلة الدنيا ... بليا طلة عيونك

لأجل هذا ... وكل هذا ... أقول اليوم يابـيـي

ملل هالكون من دونك

الله يحفظ لك ابوك ويطول بعمره ويفرح فيكم
اختيار رائع ومؤلم
الله يرحم والدينا ويسكنهم الجنه واموات المسلمين
ويطول بعمر ابوك ويخليه لكم

تقديرى واحترامى

الله يحفظ لك ابوك ويطول بعمره ويرحم ابائنا ويغفر لهم


روح السماء

انتقاء مميز ومؤثر
سلمتِ وسلمت اناملك يا جميله ,,

عقآب آلنهآر

آللهم آمين يآرب ومايحرمنآ منه

ويرحم وآلديك ويجعل آلجنة مثوآهم

وشكري لمرورك

على آلنية


آلله يسمع منك ويطول بعمره يآرب ويشفيه

ويرحم وآلدك ويجعله من آهل آلجنة

مودتي لك يآنقية

:

الله يخليه لكم ويحفظه يارب
الف شكر عالابيات الذوق ياذوق
ماننحرمش

روح السماء

الله يحفظَ ويخليلك وآلديك وآلدينآَ
هالنصَ بالفعلَ فيه همسة حزنَ ولكنَ
رآئعَ


ودي

/

رؤح السماء

الله يشفي والدك ويقومه بالسلامه يارب ويحفظه ويخليه لكم..

انتقاء رائع ومؤلم

سلمتي وسلم ذوقك

كل الشكر لك..

الله يطول بعمر ه ويشفيه ويخليه لكم

ومشكوووره على الانتقاء الرائع والممميز

آضحك للدنيا

آللهم آمين يآرب
أهلاً بحضورك
ودي لك

شيخ آلمآفيآ

آللهم آمين يآرب ويخلي لك آهلك ويطول بآعمآرهم
أهلاً بحضورك
ودي لك

كبريآء شمر

آللهم آمين يآرب وربنآ يسمع منك
أهلاً بحضورك
ودي لك

حبي طلآل

آللهم آمين يآرب
أهلاً بحضوركِ
ودي لكِ

نص حرك احاسيسنا بجاله
رحم الله جميع اموات المسلمين
واسكنهم جنات النعيم يارب
رغم الحزن الذي يسكن هذا النص
الى اننا استمتعنا ببروعته
حفظ الله والديك لك يارب
دمتي ودامت افراحك

روح السماء
انتقاء رائع سلمت يمينك
اجمل تحيه لشخصك الكريم
دقة قلب