يـحرم عليّ آعطـيك قلبٍ خذلته

آسف انا في حبي لـك تسرعـت
... ظنيت الاقـي فيـك شـيٍ فقدتـه

كنت احسبك مجروح مثلي تولعـت
... جربت فرقى شخص قلبـك وهبتـه

كنت احسبك من مر جرحك تجرعت
... حبيت فيك احساس طفـلٍ لمحتـه

لوقلت آآآه بوسط روحي توجعـت
... ولو شفت دمعاتك شعوري سكبتـه

ولو تطلب عيوني ابد ما تمنعـت
... واعطيك قلبي لو بعد مـا طلبتـه

وصلت بك اعلى مكان وتربعت
... وفي قلب غيري ياالغضي ماوصلته

واصبر على صدك واشوفك تدلعـت
... واعطيك ود مـا اظنـك حسبتـه

اذهلتني بطباعك اللـي تطبعـت
... حتى قصيدي فيك ابد مـا فهمتـه

لو كان غايتك حروفي فانا بعـت
... وافرح بجرح الشاعر الي جرحتـه

وأرجوك من صدك تراني تشبعـت
... خلك مع اللي عاجبـك او عجبتـه

يكفي قهر في جيتي لك تواضعـت
... تركت غيرك لاجـل عينـك وبعتـه

ياليتني عـن حـب مثلك ترفعـت
... ياليت قلبي قبـل اعرفـك دفنتـه

لكن اببعد دامني بـك توهقـت
... الله يرحـم حبنـا اللـي ذبحـتـه

انا شريت الود والحين انـا بعـت
... وانا عطيتك قلبـي اللـي قهرتـه

في يوم جيتك اطلبـك ود واقنعـت
... نفسي بانك شخص عادي عرفته

كمل حياتك مثل مـا انـا توقعـت
... تبقى اسير الماضي الـي فرضتـه

ولا يحزنك اني غلطان وتراجعـت
... حولك بدالي ألف شخـصٍ عجبتـه

اما انا لا يمكن اخضـع ولا طعـت
... يحرم علي اعطيـك قلـبٍ خذلتـه

بريّحك من شوفتي يـومك قطعـت
... اسلوبك اللي بـه تجامـل كرهتـه

غلطان يا المقفي انا مـا تتبعـت
... غيري يتابع خطوتـي مـا تبعتـه

ما ينحني راسي لو انـي تقطعـت
... وما هو انا لا من رميتـه لقطتـه

وان كان غرك كلام عذالي وطعـت
... الله يعلـم كيـف قلبـي سكنـتـه

اللي ملا قلبـك علـي وتسمعـت
... خله يعوض شخص مثلي خسرتـه

انـا بمـا فيـه الكفايـة تولعـت
... واللي بقى من قلب فينـي حرقتـه

بأول لقا سلمتك احساسي وضعـت
... غلطت حياتي يـوم قلبـي سلبتـه

واستسمحك بالبعد كاني تراجعت
... ما عاد ابلقـى فيـك شـي فقدتـه

طبعك مثل غيرك وطبعي كما كنـت
... احب شخـص ولا تركته،، تركتـه

وان شفتني صدفة بعينك تطلعـت
... ذكرتني بانسـان غالـي فقدتـه.

ملحوظه / ملطوووووش

الموضوع الأصلي: يـحرم عليّ آعطـيك قلبٍ خذلته || الكاتب: بقايا حلم || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

بقايا حلم
صح لسانك ولسان شاعرها
اختيار رائع وذوق
سهر

اقتباس بريّحك من شوفتي يـومك قطعـت ... اسلوبك اللي بـه تجامـل كرهتـه غلطان يا المقفي انا مـا تتبعـت ... غيري يتابع خطوتـي مـا تبعتـه ما ينحني راسي لو انـي تقطعـت ... وما هو انا لا من رميتـه لقطتـه وان كان غرك كلام عذالي وطعـت ... الله يعلـم كيـف قلبـي سكنـتـه اللي ملا قلبـك علـي وتسمعـت ... خله يعوض شخص مثلي خسرتـه

سلمت والله بقايا حلم على نقلك

يعطيك العافيه على هذه الجواهر الغاليه

سجلي اعجابي واحترامي لنقلك الرائع

دمت مبدعه

سهر
!~¤النداويه¤~!

مرور غالي تشكرون عليه يالغاليات..

بقايا حلم

صح الله لسااااانك ولسان شاعرهااااااا

دائما اختيارك ذواااااق رفيع المستوى


الله يعطيك الف عافيه ولاهنتي


لك التحاياااااااااااااااااا

دمتي بخير



سرحان

مشرفنا الرائع سرحان كل الشكر لروعة مرورك..

بقايا


ربي يعطيج العافيه
على النقل الرائع
سلمتي و دمتي يالغاليه


وردة العين

عفاك الله بقايا حلم قصيدة جزله

وردة العين
الذئب العجوز

الله يسعدكم على المرور الغالي..