أنا خريج كلية أصول الحب
أعــرف الجــرح من نظــرة ..
و أعــرف الطــب
ولكن علتي التعبير
أحس إني صغيــــر
بالتعبيــر ..
والتفسير ..
والتصوير ..
والتخــدير ..
وأحس إن الحروف أقزام ..
أمــام الشــوق و الإلهــــام ..
وأشوف إن الكلام يضيـــع ..
مثل ذرة بكـون وسيـــــع ..
إذا ما شفت محبوبي ..
بعد عمــري ..
بعد قلبـــي ..
بعد شوفي ..
ترى في الصمـت !!
آلاف اللغات تعيش ..
وبوسط اللغـــــــات ..
حروف
تطير بلا جناح ..
تغـرد والنظــر يسمــع ..
تقول لين الفجر يطلع ..
بلا تمثيل ..
بلا تضليل ..
تترجم حالة الإحساس ..
بلا إحســــــــــــــــاس ..
تغني أنت أعز النــاس ..
وأحب الناس ..
وأغلى الناس ..
وأقرب الناس ..
حديث الصمـت ..
يا زينه حديث الصمت
بين عيوني وعيونك ..
بين فتوني وفتونك ..
يخـلي نبضــك الولهان ..
يسافر في شراييني
ويخلي قلبك الشفقان ..
بلا صوت ينــــــاديني
حديث الصمت .. .. .. به تعلمت
أنا شلون أعد مساحات العمر كله
وأسابق مستوى التفكير وأشله
وأفكفك لغــزك المدفــون وأحله
لجل حبك أنا نجم غدا ســاطع
وفي حبك أبتمرد على الواقع
أبكتب ألف قاموس ..
يضم أول حروف اسمك
و بضع ألف ناقوس ..
يدق آخر حروف اسمـك
ترى علمي وكل العلم ..
قطرة من بحر علمـك
وترى عدلي وكل العدل ..
ثواني من زمن ظلمـك
العضو الأكثر نشاطاً هذا اليوم 
العرض الشجري
