نقطتف بعضاً مما قاله الشعراء والشاعرات بموت الشاعر طلال الرشيد رحمه الله
"طلال" وكن بعدك مابقى ضايق ولا محتا
ولا باقي سوى "صورة" بها اسمك في السما عالي
شربتك شعر حتى إني وعيت الشعر هداج
وصرت أشرب حديثك لي "ولو بالحلم" ول حالي
"محمد علي العسيري"
***
أرثي الشعر وإلا الخصال الفرايد
.ولا الشهامه والوفا والمروفه
فقيد شمر والشعر والبدايد
شيخ تحنت بالمراجل كفوفه
" عبدالعزيز الصقيري"
***
مرحوم ياللي ما مشيت الخطيه
إن مت حبك بالمعاليق عمر
تبقى "طلال الحب" مادمت حيه
إن مات حرف الشعر ولا تذمر
" حلا شمر"
***
كيف ما أبكيك يا نادر خصال
وأنت نبراس، راس الأكرمين
ما أنت رجال واحد ، لا رجال
كلهم من خيار الطيبين
"محمد بن صلاح الحربي"
***
ادمعي يا عين وانزف يا وريد
.وأحزني يا أرض واركع يا حزن
يوم مات الحاتمي ابن الرشيد
مالنا كود التوجد يا زمن
والله إنك يا طلال أغلى فقيد
ووالله إن بموتتك مات القصيد
كلنا في موتتك صرنا كفن
الله إنك للوطن كنت الوطن
"نواف حمود الشمري"
***
كفو هي مالها إلا واحد ٍ مثلك شديد الباس
إلى ضاقت على الحر .. الكريم وخانت .. اظروفه
كفو من أول حدود الأمل لآخر حدود الياس
ولا به ياس دام انك هناك .. ولك بها .. شوفه
ابو نواف ..أبو كل النوايف رافعات الراس
ولد عبدالعزيز .. اللي .. حياته .. كانت .. احتوفه
طلال وقبل احدر حاجتي يرقا لها قرناس
كثر عرفه بجهلي شفت انا .. جهله .. بمعروفه
جلس مثل الرضا في قلب من صلى العشا بنعاس
. وقف مثل العفو هو.. فيه مثله ساعة اوقوفه؟
عزيز ٍ في الحياه ليا صمد ماكن فيه إحساس
ذليلٍ في الصلاة اليا سجد ما قام من خوفه
كريم ٍ والله إنه يستحي من ردت الأنفاس
إلى منه عطاها .. للهبوب .. ودت ..الــ جوفه
كفو .. ماهي كفو اللي صارت لحيْ الله من الناس
كفو للي كفو لو كملوها صارت كفو .. فه
" فهد عافت"
وهذا الشعر لا اعرف منوو صاحبه
بـكـيـتك ياللي رحلت..بكيتك يا نفح iiالابرار
بـكـيـتك ياقلبي و روحي و يا سيد iiالاحباب
بـكـيـتـك يـاللي من بعدك عشت الانكسار
بكيتك و بكاك الخير يا كفوف السحـــــاب
بـكـيـتـك يـالبناخي و بكاك صغار و iiكبار
و بـكتك الدنيا و الناس و كل iiالاعــــراب
مـا انـسـاك يـالـلـي بكاك عمري iiامطار
مـا انـسـاك يـا جـعل ينساني كل ما طاب
و الله لـولا الـمـوت وانـي اؤمـن iiبالاقدار
لا اقـوم الـدنـيـا مير الموت حق وله اسباب
آه رحـل طـلال خـذتـه عنا ارض iiالمختار
خـذاه الـمـوت..والـموت ما يعرف iiالانساب
مـا اقـول رحـلـت..مـا اقول صرت iiتذكار
اسـمـك و فـعلك ثبتتها الدنيا باروحنا باطناب
مـوتـتـك بـقلوبنا اشعلت بها iiالنـــــار
و الـسـناعيس ترد الدين لو هي على iiالارقاب
عـرفـناك صدوق الحكي والفعل وللكرم iiمعيار
و عـرفـنـا الـحق بك و سيرة تفوح اطياب
عـرفـنـاك لامـك الصالح الطايع الولد iiالبار
و عـرفـنـا الخير عندك ما تنقفل له الابواب
آه لـيـت الـعـمر يهدى ..اهديك كللي iiاعمار
انـت الـمـجد و العز اللي تمناه كل iiالاجناب
الله يـصـبـر قـلب نواف وشمر وكل iiالديار
والله يصبر القلوب و الدروب وهذيك iiالهضاب
دمـك بـنـا و الـجـنايز صارت لك iiاسوار
و مـا يـضـيـع الحق ابد و شمر له iiطلاب
تـاه الـشـعـر فيني و تاهت باحزاني iiالافكار
وش يـفـيد الشعر.. صاب الكون بعدك غياب
يالله بـرحـمتك ترفعه وللمصطفى يصير iiجار
و تـجـعـل الـجنة داره مع الحور iiالاتراب
العضو الأكثر نشاطاً هذا اليوم 
العرض الشجري
