يآليت لي كلمة على الناس وأسوق
وآدق سلف الجيب وأسري لعمَّآن
في ليل قمرا جوه ارعود وبروق
والارض كاسيها رذاريـذ ودَّآن
واسري لحالي مامعي اي مخلوق
ماغيرصوت مخاوي الليل طربآن
تكفى يابومشعان ياخوي ياصفوق
الكبد فيها من هوى القلب نيشان
انا أغرِّد خارج السرب وآروق
وصويحبي يلعب دباديب وحصآن
اكبرطموحي أملك الرنج والنوق
واصغرطموحي اني ارقد مسيآن
واكبرطموحه يمتلك قلب غرنوق
واصغرطموحه يرقد الليل شبعان
الفرق واضح بين سارق ومسروق
شتَّـان والله بيننا صـدق شتَّـان
انثى وتكره فـ/الرجاجيل مطفوق
حره وتعشق فـ/الميادين شجعان
منقية/ت العتبان فالطيب والذوق
مهرة اصيله من سلالة كحيلان
ترقى سلالم عزة النفس برفوق
تزرع من هموم المعاليق بستآن
وتخيط جرح الناس والقلب مشقوق
وتْـغـنِّي الآهــآت بلسم وسلوآن
ماتعرف من الوصل غيرانه الشوق
ولاتعرف من الحب غيرانه أحزآن
تضحك لياعضت على الدمع فالموق
تبكي لياحست من الناس خذلان
تسكت ليانباع الغلا رخص فالسوق
تشكي ليامن دِنِّس الحب وانهان
انا في وجه كل برقا معا روق
من هاجسٍ يشرب كماالهيم ضميان
خلاص باسكت والسلامه من العوق
ياحرفي اللي محتميته وله شآن
يآليت لي كلمة على الناس وأسوق
وآدق سلف الجيب وأسري لعمَّآن
العضو الأكثر نشاطاً هذا اليوم 
العرض الشجري
