قصيدة "الغي " :: للشاعر مشاري مبارك الضويلي
ياهيه صرت الغي واسرفت بالغـي
والعشـق ميثـاق النـوى والنوايـا
لحظه تكرم وإمسك أعصابك شـوي
بأبـوح لـك سـر سكـن بالخفايـا
طعم الحقيقـه يشبـه السـم والكـي
وصدقي يجيلك من صميـم الحكايـا
سويتهـا واقفيـت والمشكلـه بـي
مهمـا تسـوي ماتفـيـد السـوايـا
ولا عاد تسأل مانت اغلا بني خـي
اسأل ضلوعي ليه صـارت عرايـا
علمتني عن عتمـة الليـل والضـي
وبعلمـك وشلـون جـرح البرايـا
كنت الصخا واصبحت لك حاتم الطي
وصرت الوفاء واشوف فيك الطنايـا
كنت بحياتي شي ... واليوم لا شـي
واللي بقى لك ذكريـات ... وهدايـا
أعلنت موتك في ضميري وانا حـي
مت ودفنتـك بيـن عـوج الحنايـا
العضو الأكثر نشاطاً هذا اليوم 
العرض الشجري
