قصيدة حب كمبيوترية
في دسك توب القلب سويت فايل
باسمك وخزنته بوسط الديكومنت
وبيجك على الفيفيرت ماله بدايل
في الميمورى والهستوري قد تدونت
فيروس حبك بي مسوي عمايل
في هارد دسك القلب طحت وتمكنت
وايميل قلبي صار لك حيل مايل
يكشف لك الباسوورد من وين ماكنت
مبرمجه ديليت على كل الرسايل
وبلوك سيدر للمخاليق إلا أنت
سويت شت داون ورستارت احايل
اثرك على السيرفر بحاله تسلطنت
جربت داون لود...باصعب وسايل
عيل يتحمل غيرك وتالي أذعنت
لو سوت الماوس بقلبي هوايل
سويت له ري فريش وبحبك اعلنت
ياويب ماستر خاطري بالقبايل
مالي بايت غيرك ولا بعد أنت
نذرت لك كيبورد عمري ..وشايل
لك في فلوبي القلب صورة ولا خنت
وسويت لك إنتر ولاني بـ قايل
أندو ولو في مودم القلب طعنت
دبل كليك اضغط على كل فايل
في القلب ماتلقى من الناس إلا أنت
العضو الأكثر نشاطاً هذا اليوم 
العرض الشجري
