جيتك بوجهي ماتصنعت وجهين

[align=center][tabletext="width:60%;background-color:purple;"][cell="filter:;"][align=center]

[align=center][tabletext="width:50%;background-color:silver;"][cell="filter:;"][align=center]

دقت / سلام / شوي / اكلمك بعدين
عبره بصوتي عذبتني ليالي

قلت اسمعي قبل ابتدي ليه لاوين
ليش الوداع اللي يقرب زوالي

قالت انا مالي من الحب قلبين
لولا غلاتك ما سمعت اتصالي

ابيك تعذرني ابغيب شهرين
تدري ظروفي فوق كل احتمالي

وابيك تذكرني اذا ابطيت بالزين
والله ماغيرك سكن في خيالي

قلت الغلا جابك وبالله تكفين
ترى الهوى مافيه مرن وحالي

واحد وواحد بالغلا يساوي ثنين
ان جيت غالي وان تغليت غالي

يابنت انا من صدمتي شلت نارين
سم الفراق وقبل اكمل سوالي

راحت مع الدنيا لها اليوم عامين
مل انتظاري والشعر راس مالي

كاس الصبر من بعدها صار لونين
يا وجد حالي بعدها وجد حالي

يكبر غلاها والهجر حد سكين
يطعن بقلبي كيف يرتاح بالي

هذي عيوني وانتي اليوم تدرين
اني حدرت الدمع من راس عالي

جيتك بوجهي ماتصنعت وجهين
ولاني بناسي بعدك اللي جرالي

بس اذكريني وسط كل الملايين
وانا على عهدك ولا اني بسالي

وان مت قبل انك عليه تردين
وراحت بي الايام دار التوالي

لاتنثرين الدمع والناس ماشين
تكفي دموعك بالليال الخوالي

وحقك علي اني اقدم براهين
كتبت حبك في وصية عيالي

وخليت لك شعرِ يسطر عناوين
وان جاد لك وقتك يحصل بدالي

[/align][/cell][/tabletext][/align]

[/align][/cell][/tabletext][/align]

الموضوع الأصلي: جيتك بوجهي ماتصنعت وجهين || الكاتب: ظل السحاب || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات