((((( جور الزمن والمستحيل )))))

النجوم الشامخة


[frame="9 80"]ياصاحبي شفت الجبال اللي لها شمخٍ طويـل
كلاً يبي يطلع لها .. ولاله جدى كود النظر !!

هذا أنا مثل الجبل شامـخ وراسـي مايميـل
لي هامـةٍ مرفوعـةٍ ماتنحنـي ولاتنكسـر

لي منزلٍ عند النجوم الشامخه كنـه سهيـل
نهضت راسي .. ولارضيت بظلم ماسأة الدهر

لا كبرياء .. ولا غرور لكن رفضت أحيا ذليل
نهضت راسي .. ولارضيت بظلم ماسأة الدهر

هذا أنا ماردني جـور الزمـن والمستحيـل
وصلت صعبات النوايف ولا أنحنى فيني ظهر

عزيت نفسي والمواقف ماتبي رجـلٍ هزيـل
ورفعت قدري باسقٍ راسي وأنا وسط البشـر

طبع الجدود اللي صعب تلقى لهم ند ومثيـل
يشهد لهم تاريخهم .. وأفعالهم فيها أفتخـر

الطيب فيهم والكرامـه برهنـت رد الجميـل
ربعٍ تعلا صيتهـم أقصـى حـدوده وأنتشـر

تسمع صقيل سيوفهم وخيولهم تصهل صهيل
واللي زبنهم بالمواجه لازم أنـه ينتصـر !!

ماتهزهم سود الليالي .. والعزم سيفٍ وخيل
قومٍ شديدٍ باسهـم وقلوبهـم طيـب وصبـر

وهذا أنا مثل الجبل شامخ ورأسـي مايميـل
وأبشّرك لي هامةٍ .. ماتنحني ولا تنكسـر !! [/frame]

[glint]اخــوكم /الــعــأ بـر[/glint]

الموضوع الأصلي: ((((( جور الزمن والمستحيل ))))) || الكاتب: الــعـــأ بـر || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات