اهداء الى فرج الصباح....لافي ذباح
البياض الشاسع الممتد لحدود الفضيله
والفضيله والبياض الشاسع الممتد ضيه
والنقاء والخير والمعروف والطيب وسبيله
والتواضع والوفاء والصدق والنفس الغنيه
والرضاء والروض من ماه القراح اليا نخيله
والهلا من كلمة ارحب لين تتقهواك حيه
والبشاشه وابجديات التفاءول والوسيله
للبدايات الجميله لبتساماتن نديه
والصفاء والاريحيه والصخاء لزم حيله
واخر علوم المراجل والعلوم الاوليه
او فرج واسكت ولا كلمه وهي هي والحصيله
صبح لا متناهي الاطراف وانهارن عذيه
جيتني مثل الحلوم البيض ليله بس ليله
وصرت اسولف فيك كل ليله واردد هالوصيه
الرجال تموت لو فازو بالاعمار الطويله
بس ما كل الرجال يعيش والايام محييه
والصدور ان كنت المعروف واقفت بالجميله
وش يميزها عن الارض الخراب الجرهديه
سيدي لك مني العرفان والشكر وجزيله
كثر ما بقلوب حسادك ظلام وجاهليه
والخفافيش امهم ظلماء ورجواهم هزيله
مالهم من شمس رووحك لاسلام ولا تحيه
اعجزوا ما نافسوا بك صبح واعيو كل حيله
لان ابوك الصبح وامك من رضاء الله شمريه
العضو الأكثر نشاطاً هذا اليوم 
العرض الشجري
