لعنبوا من لامني لابو قطاشي

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,6," type=2 line=0 align=center use=ex num="0,black""]
يانديـبـي فـوق زيـن الـمـطـاريشي=مـنـوة اللي يسري اللـيـل منداشي
ابـيــضٍ تــوه بـالاوراق مـانـيـشي=جيب لكسز صبغـته كنها الشاشي
ماوقف تحت العـمل بالشواكيشي=لين صارت فرشته زيت وغراشي
ولا شكى كثر الخـلل والـتـفـالـيشي=عايشٍ بين الـمواقـف والاحواشي
واثـقٍ عـنـد الـنـقـط والـتـــفـاتـيـشي=ما شرد عن نقطة الحجز منحاشي
ولاشكى حر الصحن والخراطيشي=او نـقـل طـقـة صليبات وقـمـاشي
صوت زينات الحـلق والدناديشي=والحلا همسة جـميلات الارماشي
تحت قـطـاع السـهـال المواحـيشي=سايـقٍ كـل الـمـرابـيــط بالـكـاشي
ماتـلا راع الـغـنـم والـحــواشـيشي=او تردد يـنـقـل الـعـنـز والـحـاشي
يدخـله درب الـرمـال الـمـهـاليشي=يقطع امواجه وهو رابـط الجاشي
لا وقــع رفــرف ردي الـقــراقـيشي=خـــردة سـاقــه هـبـيـــلٍ ودفـــاشي
وانسدح تحـت النجـوم المراميشي=بين نـيـبـان الافــاعـي والاحناشي
وهو ضـغـط زرٍ قـبــاله تقل فيشي=وانتهض فوق الطعاميس مـهـتاشي
يصطـفـق مـثـل الـذياب المخاريشي=لاصلاها بالخـلا جـمـر الاقـفــاشي
صـوب من يرفـى قليل المحـاويشي=وشاخ بجـمـوع القبايل والابواشي
الـعـضـيـبـه لابـدت قـسـوة الـعـيـشي=في مضـيـفه راعـي الـعوق يـعـتـاشي
مانـزل درب الـوعــر والخــرابيشي=شامـخٍ بـيـتـه مـثـل ظـلـع عـكـاشي
من بـنــي مـره زبــون الـمــلايـيـشي=مـفـنـيـة عــوج الـقـوايـم والادباشي
من عيال بحـيـح واهل الشوابيشي=عـمــرهـم بـين الـهـنـادي والانماشي
وانشد اللي قـاد حـمـر الطرابيشي=عـسـكــرٍ تـنـقـل مدافــع ورشــاشي
وجاه من داس الـطوابـير بالجـيشي=يا هلك والا دخـل دار الانـعاشي
ستر من تطرز كفوف الدشاديشي=خـــفــرةٍ تسجــع لـلابـطــال لـولاشي
وسور قـطـعـان النياق الهشاهيشي=هـجـمــةٍ مايـقـمـشـه كــل قـمــاشي
لاقــدح شــر الـعــرب بالـمـغــابيشي=الـفـحــل فـيه السلاسل والابياشي
ذودهــم ماهــو حــوار وقــرامـيـشي=له مـجـاهـيــمٍ عـصــت كـل طواشي
فـي مصـاويـل الحـرايـب بطاطيشي=وبالـنـدى تـقـعـد على حيل وفراشي
حاشوا اللي بالمخــالـيق ما حيشي=بالـقـسـى ماهـي عـصــيرٍ وفشــفاشي
يابـوصــالـح يارزين ضحى الـطــيشي=لا تراعـي هـرجــة الحـاسـد الواشي
مجـلـسـه فـي حـظن زيـن العكاريشي=او يـصـيـر لـعيب الاجواد منخاشي
لا سـقـى بـيــره كـبــود الـمـعـاطيشي=ولا ستر روحـه عن الحسد بخياشي
وانـت هداتك هداد ابـرق الريشي=ماتـجــي مابـيـن شـوكــه ومـنــقــاشي
شـوق غـطــروفٍ كـفــوفــه نـقاريشي=بكـرةٍ تـتـــلــي مـغــاتـيــر هـتـــاشي
يـابـعــد فـزعـــة ردي الخـفــافـيشي=او شحـيـحٍ طـيـبــه ابـعـد من الطاشي
ثروتــه تشبه حـلـيـب المجــاحـيشي=لا نـخـيـتــه تـقــل ترمـيــه بكــلاشي
راس ظـبــيٍ مابـعـظــمــه عـرامـيشي=ولو حـضـر هوش المعادين ماهاشي
مايـطـهـر راعــي الحسد ترويشي=لا غـشـى قـلـبـه بـنــار الردى غاشي
جــازهــم ياشـمـعــة الجـــود تـطـنـيشي=وللـعـرب بـيــن الــدفــاعــين قشاشي
وطيبكم وصل الـعـقـيــدي مع البيشي=ظـاهــرٍ نوره تقل برق وفلاشي
ولو نحـط اهل الحـقــد والتحـاريشي=جنب من يعطي مناجيب الادباشي
حـــطـنـا بـعــداد بـعــض والدراويشي=لـعـنـبـوا مـن لامـنــي لابـو قـطــاشي[/poem]

الموضوع الأصلي: لعنبوا من لامني لابو قطاشي || الكاتب: فواز الغسلان || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات