بانت نجوم الصبح

السلام عليكم ورحمة الله وبركاته ..


أسعد الله أوقاتكم بكل خير ..


حينما نقرأ لبعض الشعراء نجد الإبداع في معظم قصائدهم ..


ولكن حينما نقرأ لشاعر بحجم ضيدان بن قضعان نشعر بأن الإبداع حليفه ..


شاعر ساهم بتغيير شكل القصيده النبطيه .. وتأثر به كثير من الشعراء ..


لا أريد أن أطيل الحديث .. أتمنى أن تشاركوني الإستمتاع في قراءة هذه القصيده ..


القصيده ضمن ديوانه الصوتي الأول ..


:


:



بانت نجوم الصبح واللي في عيوني من عَصر ..

ما هوب دمعٍ لا تضايقت آتنهت واسكبه ..

لا والله الا حلم شيخ ٍ عن طموحه ما قصَر ..

لو قصرت سود الليالي من يمينه وشْنبه .. !!

وانا لو اني ما تعلمت الهزيمه والنصر .. ؟

ما كان ذقت من الهوى القتال أمرّه واعذبه ؟

شاعر وعصري فاتني واعيش في أغرب عصر .. !!

لا الوقت وقتي والزمن ما بيني وبينه شبه .. ؟؟

لكن هنوفٍ مثلت دور العزيزه في مصر ..

وقدت قميصي واسرفت في وصلها قبل انتبه ..!

يوم انتبهت استشهدت ضدي بحرّاس وقصر ؟

قلت ارحمي عزيز قوم ٍ ذل وارخى منكبه ..!!

ماني نبي الله اقاوم حسن خصرك لا انهصر ..

انا بشر عبد ٍ ضعيف وكل برق ٍ يجذبه ..؟

قالت وهي توي تثنّى كنْ ما فيها خصر ..

الشعر يا ضيدان ورث جدود ولا موهبه ؟

قلت الشعر سحر ٍ يسخر لي القلوب ويختصر :

(عمر المسافات الطويله) (والسنين المجدبه)

والحب ! شي ٍ لو حصرته في ضلوعي ما انحصر ؟

يطغي على حدْب المحاني لين ابيحه واكتبه ..

وان علّمتني الفاتنه وشلون اسير ابلا بصر ..

علمتها الفنجال وشلون اتحدّى واشربه ..!؟

وعلمتها إنّي كذا طال الزمن ولا قصر ..

وان اعذب الحب اصدقه .. وان اعذب الشعر اكذبه !!

الموضوع الأصلي: بانت نجوم الصبح || الكاتب: سمو الروح || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات