* إذا تسمح ! *

[ALIGN=CENTER][TABLETEXT="width:70%;background-color:sandybrown;"][CELL="filter:;"][ALIGN=center]

ترى

بعض الأماكن خِلّ

وفت أكثر من أحبابي ..
أجيها
بضيقتي ماملّ ,,
وتجي بـ طيوف غيّابي ..

****

أمرر

مشهد غيابك مع شحوبي ,,

وارتب

داخلي حفله من أحزاني
تغيب

وتلتزم صمتك من ذنوبي !

على ذمة ضميرك ,, روح وانسآني

أنا طفلة

غيابك والأسى ثوبي ,,

نسيت النور ,, ثم ليلك تبناني .

***

إذا تسمح

أبي هُدنة مع الألآم ,,

أبي احصي ضحايا العمر واغتابك .

على حدّ الجفا

ماتت كثير أحلاآآآم ,,

وأنا من صدمتي استثقل عْتابك ..

أنا شرّعت

ضلعيني بليا احكام

لذا ماآشره على ميعاد ماجابك .

(ضريرة بالهوى)

علقتني بأوهام

الين ابيضّت عيوني من غيابك ..

ابتوسد

على حزني وعليه أنام ,,

واعلّق وزر دمعاتي على أهدابك ..

وابي اهجر

صباحٍ من حنينك سآآآم ,,

يفوح بذكريات الأمس وآشقابك ..

وإذا غرّبتني

مع قسوة الأيام ,,

ابنسى كل دربٍ ينتهي لـ بابك ..

**

و
على خبرك
اعدد ذكريآت الـ كان ,,
واصيح مْن الحنين اللي كوى صدري ..
ابشحذ
من عيون الذاكره نسيآن ,,
يغيّب صورتك لاضاق بي صبري .
على خبرك
أنا والليل والأحزان ,,
ودمعةرتبت في غيبتك عذري ..
أكيد اشتقت !
بس بصمتك الخوّان ,
يهيئني من غيابك إلى قبري .
***

على ذكر

الحنين ودمعة المهموم ,

أشبّ

بذكرياتك واحترق فيه
أنا غنيت

بغيابك الين اليوم ,

الين

اليوم وأفراحي تطفّيهم ..

****
وحدّ

الله مابيني وبين غيّابي ,,

إذا رآن الجفا دَنّس مشاعرهم..

يخون
الدمع عيني بـ اسم أحبابي ,,
وأنا لو زدتهم حبي ابـخسرهم ..
***

لـ (ناريمان العنزي)

ولكم أطيب المُنى

[/ALIGN][/CELL][/TABLETEXT][/ALIGN]

الموضوع الأصلي: * إذا تسمح ! * || الكاتب: رواء الروح || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات