من ضمن مساجلاتي مع الشاعر/ ممدوح ركاد السلماني الشمري

السلام عليكم ورحمة الله وبركاته
اسناداً للشاعر الكبير/ ممدوح ركاد السلماني الشمري أبو نايف وتليها قصائد اخرى
[/color][/center][/size]

هاض الغرام ومخزن الشعر مفتوح = وللشعر شعارٍ تخيَّط فتوقه
طرد الهوا يستاهله مثل ممدوح = يفهم مواضيعه ويبخص اطروقه
يامسندي شوقي من البيض مملوح= روحي وماتملك يديني حقوقه
حبي لها ماهي سواليف ومزوح = عزيل من مثلي غدت به ابروقه
ممدوح له في خافقي ورد وسروح= ونفسي على لاما عشري شفوقه
وأقول له ياصاحبي منك مجروح = النفس ضاقت والضلوع محروقه
غديت لاحيي ولاني بمذبوح = الحال تلفت كل شي ٍ يعوقه
الوصل مابين المحبين مسموح= والهجر يبعد بين غالي وشوقه
مالك على بعدي فوايد ومصلوح= خفف عناي القلب يبست عروقه
بك من عيون اللي يرايف على اللوح= أشقر حرار ٍ يوم تطلق سبوقه
والخد بدر النصف يزداد بوضوح = والصدر لنباة الفرح وسط سوقه
وشنوح ياسيد الغنادير وشنوح = تخلف مواعيد الغرام وتبوقه
أسهر وسهرني حمام ٍ على الدوح= من غيبة البيضاء لحزة شروقه

رد الشاعر الكبير قدرا الشاعر / ممدوح الركاد ابونايف

يامرحبا عد العمارات وفسوح = واعداد خلق الله وعدت اشدوقه
واعداد مابالقاع فالح ومفلوح = وإعداد ماطبق على العين موقه
بالخط واللي يكتب الشعر بفصوح= مبارك طناء شوق الهنوف العشوقه
لابأس ياقرم شكى الحب والنوح= يشكي هوا غرون زهت به دقوقه
الكان تشكي من هوا البيض لافوح= توسعت بأهل المحبه فلوقه
ياما ركضنا يوم هي ستر وإدموح= قبل سراد الناس تنبت عموقه
ركضت لين الحب رصن على صوح= وقعت في جرفن هيالن طبوقه
واليوم صارت بين فاضح ومفضوح= وقت ٍ علينا اليوم بانت شقوقه
صارت طواريق الهوا شر وكلوح= صديق عينك سالم ٍ من عزوقه
عسى اللذي دون الغضي صارساموح= أطلب عسى المولى يشيّن اوفوقه
والا العذارى طردهن ينعش الروح= يوم الهوا ناسه تكلم احلوقه
كم واحد ٍ قلبه من البيض مسفوح = ركض بثرهن لين رشفت مروقه
ماضال له كود العنا وأبو سردوح= كثرت حواسيده وكثرت لفوقه
ياليت وقت ٍ راح مازال مسموح = والناس به غفله ولابه حذوقه
نبي مع الخفرات نأخذ لنا روح= قبل طراة العمر تيبس اعذوقه
واقلبي اللي مع هوا البيض مشلوح=لفحة شليل ٍ بايدات ٍ بنوقه
وجدي عليهن وجد من طاح بالسوح= خلوه ربعه ماتمكن لحوقه
طرد الهوا يابو طناء صار ساموح= ابنصحك عن طردهن لاتشوقه
تتعب ويتعب موترك وأنت مشفوح= ونفسك تزايد كل يوم ٍ رهوقه

والبيض صارت له نواطير ونبوح = ولا ينعرف حفاظها من سروقه

وتقبلوا تحيات اخوكم الشاعر/ مبارك طناء التبيناوي

[/QUOTE]

هلا ابوعبدالله
أولاً صح الله السنتكم
ولكن الاحظ خطأ
مطبعي
واسمحلي بمحاولة تصحيحة

هاض الغرام ومخزن الشعـر مفتـوح
وللـشـعـر شـعــارٍ تـخـيَّــط فـتـوقــه
طـرد الهـوا يستاهلـه مثـل ممـدوح
يفهم مواضيعـه ويبخـص اطروقـه
بهذا الشكل

صح الله لسنتكم جميعــــــــــــــــــــــــــــــاً ..

ويعطيكم الله الصحه والعافيه ..

تقديري للجميع ..

عشت شاعرنا مبارك الطناء

صح لسانك والله انت والشاعر ممدوح الركاد
للابداع ناس وانتم من اهله كلمات سطرت بماء الذهب
عجزت عن وصفها ومدى جمال كلماتها
لاعدمناكم
يسلم راسك يابعد راسي

الله الله صح لسانكم

وعلا شانكم وحي حضوركم الراقي

الأخ العزيز الشاعر/ عواد العلي
الأخ الفاضمول المراقب العام
الأخ العزيز الشاعر/ الساري
الأخ الكاتب المبدع / سمو الذوق
السلام عليكم ورحمة الله وبركاته
شرفني مروركم السار والإطراء الجميل صحة أبدانكم واعتلا شأنكم ودمتم بخيروموده أحبائي وشكراً
أخوكم ومحبكم الشاعر/ مبارك طناء التبيناوي

سلمت يداك
جميل جدا شكرا

الأخ العزيز المشرف / أمير الشمال
السلام عليكم ورحمة الله
صح بدنك يالغالي اشكرك على مرورك السار وتعليقك المشرف دمت بخير وموده
والسلام
اخوكم ومحبكم الشاعر/ مبارك طناء