ولاطرت له حايل المجد

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/3.gif" border="double,6,black" type=2 line=0 align=center use=ex num="0,black""]

قال مـن صاغ الـقـوافـي وغـاص بحـورها=ولاطـرت له حـايل الـمجـد شـال اشـعـارها
الـضـمـايـر بالــقــوافــي تـدور سـيــورها=فـي خـفــوقـن بالـقــوافـي يـنــال اثـمـارها
لانـوى جـزل الـقـوافـي كـسـر طــابـورها=واذعـنــت بـمـدوح حـايـل تعــزف اوتارها
جـاب جـزلات الـمـثــايـل وعاف كسورها=وكـلـمـا تـصعــب قـوافــيـه زان احـضارها
لاحـضـر بـدر الـقـوافـي مـحـى ديجـورها=وان طـفـح جـاشـه بحـايل غــدى بـيـطـارها
حـايل ورود الـمــدايـن وريــح زهــورها=والصخـى والطـيـب يجري بوسـط اسوارها
حايل الـعــزه والامجــاد طـول عــصورها=ومن كـفـوف اهل المراجــل تسـيـل انهارها
حـايل الـتــاريخ يـرقــد بـوســط قــبــورها=وانـشـد اللي بالــتـــواريــخ حــاز اخـبارها
انـشــد الـلـي حـاف جـالـه وذاق مـرورها=عـن سـيـوفـن يجهـل الـناس غـيـب اسرارها
كان واشـنـطــن تـفــاخــر بكـثر قـصورها=او نـواطــيــح الــسحـايـب وطــول ادوارها
تفـتـخــر حــايـل بحـاتـم وطـيــب جـذورها=مع سبـاعــن تغــلـي اللـيـل فـي مـشــوارها
وتفـتخرباللي رجى الناس فـضـل خـيـورها=والضـواري مـن سـبـاعــه تهـاب اخـطـارها
وفـي رجـالـن بالـلــوازم تـدوس شــرورها=لاغـدت بـيـض الـعــذارى تـشــوح خـمـارها
وعقـب حاتـم جـت رجـالـن وشـالـت دورها=لـيـن شــاعــت بالـقــبــايـل لــذيــذ اذكـارها
مـثـل من عــشــى ذيـابـن شـكـت بدهــورها=والــذيـابـه بالــمـهــونـه تـعــاف اعــمارها
راح لـبــيــوتــن بـعـــبـــده يـذري ســورها=عــن لـواهـيـب الـثـــريـا وعــن مـصهارها
قــام لـلـخــاطــر مكــازي شـبـيـه نـمــورها=ومـن حـلاله حــط لـلـذيـب جــزل خـيـارها
لـك يـمـيـنــن يامـكـازي تـفــوح عــطــورها=وحـزت مـن بـيـن القـبـايل رفـيـع افخـارها
اشـهــد انـك يامـكـازي كـســرت ظـهــورها=وان كـفــك تـشـبه الـمـزن وقـت امـطـارها
واخـو خـنـسـاء عـلـة الجـوع هـو دكـتـورها=وصـبــة الـسـمــن الـعـرابـي تـطـفي نارها
والـقـحـط طـالـت سـنـيـنــه وكـثـر شـهورها=ولا كـره شـوف الـنــشـامـى ولا مـسـيـارها
وبالـوسـيـطاء واللحـيــدان حـــس نـجـورهـا=فـي بـيــوتـن يـنـعــش الـروح ريـح بهارها
او كــرم راع الـلـحـيـســه بـعـالــي قـــورها=فوق خـرفـان الـنـشـامـى يـسـوق اعـذارها
شـاربـن مـن نـبــع الاسـلــم وطـول شبـورها=ماشـكـوا ضـيـق اللـيـالي وجـور اسـعـارها
من رجـالــن بالـشــدايــد عـطــت مـيـسورها=والـقـلـيــل بـعــيــن الاجــواد يمـلـى دارها
وراعي جـفـيـفـاء عطى الناس قـبـل حضورها=لـه كــفــوفــن بالـمـكــارم تـزيـل اكـدارها
او سـمــيـراء وابـن جـلــعــود يـسـكـن دورها=وابـن سـيـف بوسـط بقـعـاء يحـط ازوارها
مـاتـنــول الـطـيـب نـفـسـن شـكـت مخـسـورها=ولا خذى الفـرسه بخـيـلـن يهاب اضرارها
وقـام بالجـنــفــا شـجــاعــن عــلـى مـجـدورها=وهــو عــدو(ن)لـه يطـالـب عـقـيل بثارها
وطـاح فـايـز لاجـل بـنـتــن شكـت مـن جـورها=ومات مـن بـعــد الـمسافه وطـول امـتارها
يـاتـواريـخـن بالانـــوار حـــبـــر ســطـــورها=وياعــقــولـن بالـشـــدايــد تـزيـن اشـوارها
حـايـل ســبـاع الـمــراجــل وكـور طــيـــورها=وهـي خـيـولــن بالـمـعـارك يـثـور غـبارها
راس أجـا وركـون سـلــمـى يـشـعــشـع نـورها=مع صـواريــم الـنـشـامى وطــيــب جوارها
ياقــــنـــاديــل الـلـــيــــالـي ونـــور بـــدورهـا=ويامـشـاهـيــب الـكـواكـب وضوح اقـمارها
يـاوعــودن بالــفــــعــايـل تــمـــد جـــســـورها=وياهــروجــن بالـلــوايـح ثـبــت مـسـمارها
ياقـــلاعــن بـالــمـحـــبـــه تـفـــوح صــدورهـا=ويابــيــوتــن بالــمـكـارم يـطـول جــدارهـا
مـاتـغـــطــي طــيــب الايــام كــلــمــة زورهـا=وشـمـس قـيـظـك مايحـجـبـه غـلـيـظ ستارها[/poem]

الموضوع الأصلي: ولاطرت له حايل المجد || الكاتب: فواز الغسلان || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات