هل هو فلم رعب ام حلم وردي؟؟؟

بالعكس ..

الزواج مو فيلم رعب ..
صح على كثر المصايب و البلاوي اللي نشوفها بالمجتمع ..
و قضايا الطلاق و أن المرأه تترك بيت زوجها ..
بس هذي كلها راجعه لعدم التفاهم ...
مجتمعاتنا الخليجيه أو السعوديه بالأخص ..
تعتبر مغلقه لأبعد درجه ..
و يمكن يصل الأمر في بعض الأسر إلى تجنب التحدث بأمور الزواج نهائياً ..!!
فتنشأ البنت مو قادره تستوعب فكرة الزواج ..
أو المشاركه بمعنى أصح ..
ما فيه تعليم و تثقيف للشباب بمعنى العلاقه الزوجيه ..
المبنيه على التفاهم والأخذ و العطاء ..
كل واحد منهم متعود يعيش لوحده ..
صح داخل أسرته ..
لكن مستقل نسبياً عن إخوته و اخواته ..
و فجأه يكون مطالب إنه يقدم تنازلات قد تصل للكرامه ..
أحسها صعبه شوي ..
عشان كذا قمنا نشوف الزواج فيلم رعب ..
لأنك قاعده تتخيلين و ما تدرين وش راح يكون نصيبك ..!!

أما عن الإنحرافات ..
هذي مو من نتائج الزواج الفاشل ..
هذي نتائج النفسيه المريضه و الفطره المنحرفه منذ الأساس ..
لأنها لو كانت عالفطره ما كانت تغيرت بعد الزواج ..
و ظلت زي ماهي ..
و نفس الشي للشباب ..
أما عن الحرمان العاطفي اللي تعاني منه ..
مو عذر ..
خصوصاً مع وجود شخص يسد عليها هالفراغ ..
اللي هو زوجها ..
و ابتعاده عنها ناتج من رفضها له ..
لأنه المسكين هو اللي جاي لبيت أهلها و خاطبها ..
فليش تتغير معاملته لها بعد الزواج ..
ما دام هو يبيها ؟؟؟؟

كل اللي أقصده ..
إن انحراف الشخص ناتج من داخله مو من عوامل خارجيه ..

موضوعك حلو لمار و مع كذا حساس ..
و أتمنى وفقت بايصال فكرتي و ما اكون طولت ^^"
تقبلي مروري و تعليقي ..

دمتِ ..