السلام عليـــكم ورحمة الله وبركــــــــاته
قصيده اعجبتني لشاعر حربي وهو الشاعر :مطــارد رويبع الوهـــبي الحربي يمدح فيها حايل ويمدح قبيلة شمـــــــــــــــــــر
بديـت بمنـزل تبـارك وياسـيـن .....ومن بعدها اخترت البيوت الجميلـه
في راس رجمـن لاتعديـت نقبيـن.....جنوب جُبـه فـي شمـال الرعيلـه
ذعذع بها الغـرب وتـل الشراييـن.....وطابت همومن بالضمايـر عليلـه
وازداد ارتفـاع الشـعـر متـريـن.....وسجلت من زين البيـوت الجميلـه
ردا على من قـال مسكانكـم ويـن.....دارن بها المسكان من تنتمـي لـه
جاوبـت سؤالـه بحايـل مقيميـن.....في ديرتـن لا يمكـن القـى بديلـه
حايل عـروس وزينـت بالبساتيـن.....حايـل تنسيـك الهمـوم الثقيـلـه
لاغبت عنهـا دق بالقلـب هميـن.....الا بشعابـهـا لارحــت قـيـلـه
حايـل عزيـزه وسكانـه عزيزيـن.....ناس(ن) لهم بالطيب درب ووسيلـه
حايل سكن فيهـا رجالـن كريميـن.....قبيلتـن ياطيبهـا مــن قبيـلـه
شمر هل الطـولات ياناشـدن ميـن.....شمر رجالـن يكسبـون الفضيلـه
شمر لهم بالطيـب علـم وبراهيـن.....وشمر على تسبد المعـادي مليلـه
خويهم مايشكـي الضيـم والبيـن.....وعـدوهـم بالـكـون ياعزتيـلـه
نعمن بشمـر عـد ناسـن ملبيـن.....ونعمن بشمر عـد ماسـال سيلـه
من جيت حايل صار لي خمسة سنين.....مافيه يـوم شفـت منهـم رذيلـه
ولا يجحد اهل الطيب كود الردييـن.....ضعاف النفوس اللي يديهـم بخيلـه
والرجل يذكر عند الاجناب بامريـن.....وواحد مـن الامريـن لازم يشيلـه
امـا يقـال فـلان والله ونعمـيـن.....والا كسب علـم الـردى والفشيلـه
والرجل جسمن يميزونـه بالاثنيـن.....ويامن فقدهن ثـور مافيـه حيلـه
ماقـل ودل حايـل قــرة العـيـن.....و((مطارد)) عبر يوم عدى الطويلـه
عبرت عنهم بعض روس العناويـن.....وتاريخهم في وسـط حايـل دليلـه
ولا ذم انا باقي القبايـل ولا شيـن.....وكلن على ماقيـل يلقـى حصيلـه
العضو الأكثر نشاطاً هذا اليوم 
العرض العادي
