[ ديوآن الشـآعر / عيادة الجهيلي ]

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
وين انت ياللي غبت بالله وينك=من غيبتك شفني تعلقت الاحلام ،،

ارسم على حبل المواصل يدينك=وتموت سبابتة يدي تحت الابهام ،،

مغليك تايه في بقايا سنينك=يسأل عليك الحزن بعيون الايتام ،،

حبه غرس بين المحاني حنينك=واسقاه من جرحن بالاضلاع منظام ،،

اذكر ظلام اليل يتبع جبينك=عن نوره اللي فيك من عشرة اعوام ،،

حتى القمر يدخل على والدينك=انك تغيب ايام من اول العام ،،

هذا وما شاف القمر ربع زينك=كان القمر في عتمة الليل ماقام ،،[/poem]

الموضوع الأصلي: من غيبتك .! || الكاتب: ابو طارق الشمري || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

( محاصيل ) شعر وإلقاء : عيادة الجهيلي هندسة : خالد الفلاح" على YouTube -

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
ياللي خذيت الروح من بين الاضلاع=خذني معك في غيبتك ربع ساعه

شفني عليك ادميت انا روس الاصباع=اعضها رغم الالم والقناعه

انتي اجروحن بالحشا سمها زاع=في خافقن ماشاف غير القطاعه

اطرد سرابك في عيوني ولاطاع=و القاه في شوق الوله واندفاعه

انتي الغرام اللي على شوفتك جاع=احساسي المجروح كله مجاعه

وانتي حكايه مالها حكم واتباع=وانتي معاناة القصيد ونزاعه

وانتي عذاب القلب في كل الاوضاع=ياشمسي اللي مارحمني شعاعه[/poem]

[poem=font=",6,black,bold,italic" bkcolor="transparent" bkimage="http://www.b3b7.com/vb/mwaextraedit4/backgrounds/7.gif" border="double,4," type=2 line=0 align=center use=ex num="0,black""]
ياالله عفوك يارحيم وياغفور وياودود = ألطف بنا يارب عن نارك وجور عقابها
حنا عبيدك مالنا غيرك ولاغيرك يجود = أنت الجواد اللي تغيث الشمس بعد غيابها
أنت الذي تعطي وغيرك بالعطاء وقت وحدود = وإلا انت تعطي فوق سطح الارض تحت ترابها
رغم المعاصي والتخاذل في مساحات الجحود = ندعيك والرحمه بأمرك تنفتح أبوابها
نركع لوجهك وبعد مانرفع ينادينا السجود = وننزل عليه بدمع عينن ودّعت محرابها
سبحان ربي كيف يعطينا الهدايا والورود = وحنا نغلفها وننساها ولا نسعى بها
يارب جمّلنا معك يارب يارب الوجود = ولاتجعل الدنيا هي أكبر همنا نشقى بها
[/poem]

[poem=font=",6,black,bold,italic" bkcolor="transparent" bkimage="http://www.b3b7.com/vb/mwaextraedit4/backgrounds/7.gif" border="double,4," type=2 line=0 align=center use=ex num="0,black""]
أقبلت ياشهر العبادة والاحسان = حتى القلم من فرحته جف حبره
باقي عليك أيام والكل ولهان = انك تجيه وينتحر فيك صبره
أولك رحمه والوسط فيك غفران = وآخرك عتق(ن) تسبقه كل عبره
يالله بلغنا صيامه على شآن = يبرى الخفوق اللي انكسر فيه جبره
ومن مات قبل انك تجي ياعسى الآن = على جنان الخلد مفتوح قبره
وانا أهني كل من جاك ندمان = اللي من احساسك خذاء منه نبره
وانا بعد جيتك من الذنب تعبان = في رحمة اللي ماقطع فيني اجره
[/poem]

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
الو.! نعم.! انت الذي تسهر اليل.؟=عفواً .! غلط.! قالت اعرفك بصوتك

انت الذي حزنك دموع ومناديل=دمعي من احزانك بكى جرح موتك

قلت الوهم احيان يجني محاصيل=كلمه من احزاني تحطم سكوتك

راح الفرح من جلستي والتعاليل=برج الدلو ماعوضه برج حوتك

قالت عيادة قلت يانجمة سهيل=مقدر على توهيق وردك وتوتك

قلبي خذاه الشوق مع عضة الويل=هذا عذابي وقفته لاتفوتك

مع السلامه في وداع المواصيل=لا فز بك قلبي ولاعاف صوتك[/poem]

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
يابنت منتي نوف وش جابك لنوف=لا والذي سواك منتي بحوله

هذيك قـَدْره بين الاضلاع معروف=ابيع مثلك لاتذكرت زوله

صحيح راحت من حياتي وانا اشوف=بس الغلا ماراح واعلن ذبوله

حبه نزل فيني مواعيد وطيوف=مثل المطر لحظة تأمل نزوله

انخى الغرام اللي معي داخل الجوف=واسمع صهيل الشوق ينخى خيوله

من بعدها وقتي سكاكين وسيوف=اطعن بها غدر الزمان وخموله

غبني عليها غبن من كان مكفوف=ماله عمام ولارجاء وصل خوله

ابوه مات ومات صبره من الخوف=وماتت امانيـّه وماتت حلوله

انا أشهد ان الحزن يانوف مصفوف=فوق العذاب اللي تعدل ميوله[/poem]

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
تعالي واسمعي بين الحنايا كيف جرحك ذاب=على جرحٍ معي تنبض هواجيسه على بابك

تحريتك وطيفك يحترق بي عن لقأك وغاب=يدور في غيابك شي عوضني عن غيابك

لقاني فيك وسوست الغرام بحبك اللي تاب=وخليته يجود بدمعته في غمزت اهدابك

رسمتك داخلي طفلٍ يدينه من شقاه اتراب=وضميته على صدر العذاب اللي تغنابك

احبك اسعفيني من غرامك طحت انا منصاب=وضميني على حزنٍ نزف جرحه من اسبابك

اموت بشوفتك واحياء على ضحكه بدون أسباب=واشوف ان الدلع يحق لك من قبل يزهابك

تعالي لاتخليني مع احزاني غلاف كتاب=يموت بداخله حرف القصيد اللي تعزوابك[/poem]

خل العيون اللي بكت

تبكي عليك
وخل الدموعاللي شكت
تشكي عليك
وخل السهر بعدي يجي يسهر عليك
ماعاد ابيك



كنتاعشقك واشتاق لك
كنت اسئلك واحتاج لك
حتى الجواب اللي معك ماعاد ابيه
دورعليه
بين الهدايا والجروح
اللي بها كل الوضوح



مالك امان مثل البحرغدار
لوكان في جوفه كثير من الوفاء
يبقى البحر غدار
مثلك



ماكنتاحس الورد يجرح
ولاكنت اظن الحزن يفرح
الا معي لاقيت له مليون مطرح



كلالحزن يبقى معي
وكل السنين اللي مضت تبقى معي
في مدمعي
واكذب على نفسيواقول
اني صبرت
واني على صبري كبرت
وانا كذبت ولاصدقت
الا معك
لاماكذبت



ضاعت حياتي ياسراب الصيف
مات العطش يطرد بقاعكزيف




.
.
.
بقلمي

[poem=font=",6,,bold,italic" bkcolor="transparent" bkimage="http://www.b3b7.com/vb/mwaextraedit4/backgrounds/7.gif" border="double,4," type=2 line=0 align=center use=ex num="0,black""]
ياعين ابويه يابنيّه = لعيونك جبت الدحيّه
صفي معي صفت مغرم = بعيونه ينخى غاليّه
ونبغى عليها نتصافى = لوكانت دحه حربيّه
خلي كتفي يدحم كتفك = واحزانك هاتيها ليّه
وميلي اليا مال عقالي = احلامي صارت ورديّه
وديني للبحر السابع = ورديني حب وحنيّه
فلي قرونك فوق المشلح = وضفـّيها بهموم(ن) فيّه
احزاني من قبلك تنزف = ومن بعدك طاري حريّه
ياويلي يزين الغره = ويامحلى الزين وراعيّه
اخدودك مشمش يامشمش = والشفه جمره شرقيّه
والمبسم ياشيب قليبي = مايل من تبديل النيّه
[/poem]

[poem=font=",6,black,bold,italic" bkcolor="transparent" bkimage="http://www.b3b7.com/vb/mwaextraedit4/backgrounds/7.gif" border="double,4," type=2 line=0 align=center use=ex num="0,black""]
ياسعود لاتزعل علي خاطري زفت = حنيت لجروحٍ بقلبي قديمه
اثر الغلاء ملعون خير ولد كفت = لو كانت الذكرى بعيني اليمه
اطوف باحزاني وانا قبلها طفت = على الهموم اللي بصدري مقيمه
وش صار وش ماصار وش شفت ماشفت = شفت العذاب وصار للحزن غيمه
حتى امطرت فوقي وانا للمطر ضفت = صكات بقعاء وانتكاس العزيمه
الخوف ماعرفه وانا بعدهم خفت = على العيون اللي دموعه كريمه
ياسعود ماعافو غرامي ولا عفت = بس الهبوب اللي رحل في نسيمه
[/poem]

[poem=font=",6,black,bold,italic" bkcolor="transparent" bkimage="http://www.b3b7.com/vb/mwaextraedit4/backgrounds/7.gif" border="double,4," type=2 line=0 align=center use=ex num="0,black""]
لا واهني دبدوب في حض(ن) دبدوب = ضمه معه لين اتقى واهنيه
ينام مع صدر(ن) برز من ورى الثوب = ويضيع مابين الخوي وخويه
وانا مع النكبات مرسل ومطلوب = من دون ذنب ولا عليّه قضيه
كلي مشاعر كلي احساس واذنوب = واندم على بعض الامور القويه
لاراغب(ن) هذا ولاني بمرغوب = حسب اتجاه البوصله والضحيه
للمصلحه مابيع انا ارواح واقلوب = انا اشتري قلبي لغيري هديه
واسوق روحي للطناء قبل ماتوب = وان تبت قدمته بكف(ن) صخيه
يابنت ربعي ذكرهم فوق مكتوب = فوق الوفاء والمده الحاتميه
[/poem]

[poem=font=",6,black,bold,italic" bkcolor="transparent" bkimage="http://www.b3b7.com/vb/mwaextraedit4/backgrounds/7.gif" border="double,4," type=2 line=0 align=center use=ex num="0,black""]
والله اني يابو طارق من فراقه تعيس. = ماتشوف العين من حر دمعي ذايبه
اتحرى ألاربعاء واللقاء يوم الخميس. = وانتظر شمسه عساها بسرعه غايبه
مع غروب الشمس ضميت اناالوجه الونيس. = ضمت(ن) عن صد الايام عنده تايبه
الغلا مذرح بليلى وفاصل مخ قيس. = قوتين بشوق واحد قواها سايبه
ياوجودي وجد من يملك الدر النفيس. = مع سراب(ن) لمعته ياعذابي خايبه
كل مايطري علي استحي العن ابليس. = لان ذكره حضرت ابليس وردة جايبه
والله ان الحب بلوى وانا باسمه تعيس.=مايعرف الكنق ولايقدر نايبه
[/poem]

[poem=font=",6,black,bold,italic" bkcolor="transparent" bkimage="http://www.b3b7.com/vb/mwaextraedit4/backgrounds/7.gif" border="double,4," type=2 line=0 align=center use=ex num="0,black""]
راكب اللي لامشت بك تسرك خفته. = خص لاهلن دموعك على شوفت عفاف
المسافه فوق تمثال خشمه صفته. = لين خلتها توقع لها بالاعتراف
المراتب خد بنتٍ تمايل شفته. = بين نزوات الشياطين واذكار العفاف
والزوايا خلف شيخٍ ينومس عفته. = كنها منكب كتوفه بوقت الاعتكاف
والمرايا كف غروٍ تمايل كفته. = عند حرٍ كل ماجاه قبلها وطاف
مقدمه ريح الهبايب عليها زفته. = وانتثر نوره مع اليل في حفلت زفاف
لون بديه قرن بنتٍ نست ماضفته. = اسودٍ كله ولافيه شعره اختلاف
بنز لا لفت همومك وطالت لفته. = خلها شيهانةٍ مع طريقه ماتشاف
انص به شبلٍ معي ماتغير وقفته. = عزي اللي لا لحقني من الوادي جفاف
قله ان البيت طايح وطاحت رفته. =والظروف احيان لاسكرت منها تخاف
لم اخوي اللي على الطيب ترقى ضفته. = فوق عنوان القصايد وبرواز الغلاف
آه ياسلطان همي همومي دفته. = عند وجهك يوم الانذال هاوي واحتراف
[/poem]

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
البارحه ليه بدري ياحياتي تروح.=وانا انتظرتك بشوقٍ تحت وصله جمر

ماتدري اني عليك احن وابكي وانوح.=واضيع لازارني طيفك وفيني سمر

البارحه بعد ماقفيت مات الطموح.=واركيت كتفي على لوعات باقي العمر

مافيه حاجه بقت لي غير صمت الجروح.=اللي على وجنتي سكابها منهمر

اقسى من الحزن فيني والزمان الشحوح.=لاجيت اغمض عيوني وانت فيها تمر

ماابي افتح عيوني في وداع ونزوح.=والقاء اصابع كفوفي من سنوني حمر

ياشيب عيني من القلب الشقي اللحوح.=لولا ضلوعي تحجزه مايرده امر[/poem]