محراب الوجع

مدخل

متعوّد أضحك كل ماضاق صدري
وأسهر .. إذا نامت عيـون الخليقة



مابـي أحـد إذا [ تضايقت ] يدري
حزني أنيـق ، وذكرياتي أنيقة











عمق





الليـل محـراب الوجـع والتباريـح
وأنا بسكين الحكي .. بذبح الصمـت



ما عاد يغرينـي حديـث المراجيـح
ولا الهوى اللي عقب عرفه تندّمـت



ولا عاد تخدعني دمـوع التماسيـح
من كثـر خـذلان الخلايـق تعلّمـت



أكون بـارد دمّ لـو قلبـي يصيـح
وأضحك بوجه جروحهـم لا تألمـت



واللي تغانـم طعنتـي ربّـي يبيـح
منّه , ويجبر زلّتـي يـوم عشّمـت



محدٍ معاه لضيـق صـدري مفاتيـح
حتى الذي في صدق قلبـه توسّمـت



هذي ذنوبي بيـن دعـوة وتسبيـح
علّقتهـا فـي رحمـة الله وسلّمـت



ما عادت حروف القصايـد مصابيـح
ضويت لين إستنفذ الشعر وأظلمـت



تجري بما لا تشتهي سفنـي الريـح
حتى معاهـا ويـن هبّـت تيممـت



ما كان ودّي يبلـغ السيـل وأزيـح
وجه الرضى , عن طلّتي لا تكلمـت



ليته يكفّي عن غثى الحكـي تلميـح
أو ليت بعض الناس تستوعب الصمت











مخرج






قل للحزن ما عآد له شرهه عليّ ،
حقهّ ثلاث أيآم .. واكرمته ( سنه ) !










لاأرواحكم النقيه

الموضوع الأصلي: محراب الوجع || الكاتب: براق || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

صح لسانك ولسان شاعرها
نقل مميز ورائع كروعة حضورك
لاهنت

ليته يكفّي عن غثى الحكـي تلميـح
أو ليت بعض الناس تستوعب الصمت
برق البروق المتألق
نص عانق السحآب وآكثر
عقوود من يآسمين تتقلد روحك يآ مميز,,

المُختلف
يسلّم ذوقك وَ احساسك شاعرنا
انـتـقـآء بجمآل حرفك يّ أنيق
الهي يسعدك ولا يحرمنا روعتك خيو
~

اقتباس تجري بما لا تشتهي سفنـي الريـح حتى معاهـا ويـن هبّـت تيممـت

سلمت الذائقة

لوحة أدبية فنية آسرة إلى حدٍّ مُبهر.
أطربتني أطربتني حد الشجن.
لله درك ي رجل

صح لسان قايلها
تسلم يدك شاعرنا القدير
يعطيك العافيه على هذا الابداع
وسلمت آناملك المتألقه لروعة طرحها
ودي لك ولروحك

شكرا بحجم السماء
والأرض
لمن حضر هنا وترك بصمته
الله يسعدكم ويرعاكم

عذوووووبتك فاااقت كل حرف

لله درك اسطورتنا